5個你最恐懼嘅開會模式!

by 新北由己

 
會議很多,但有啲開會模式,係會令人感到驚恐。
你亦明白到,身在職場,有用嘅會議寥寥可數,
趁住人少少,重溫一下我哋最驚驚嘅開會模式!
 
 
 

1. 十人混戰電話會議

 
即係Con call…………好處係大家唔需要去埋同一個地方,
都可以嚟個即時會議……
 
可惜,con call總是煩。
問題包括收得唔清(但你要扮聽到)
其中一個入十世都未入到條line,成班死亡空氣等待。
 
到傾嘅時候,又不斷疊聲,尷尷尬尬
又分唔到邊把聲打邊把聲……
 
基本上都係冇咩結論,
大家都想盡快收線。
 

2.「只聽不說」會議

 
 
所謂會議,就係大家拎件事出嚟討論下。
但有啲會,你知自己係唔使出聲的。
 
咁你作用係咩?就係「聽」,同令件事疊馬啲!
人多就是氣勢!
你要做嘅,只係抵抗眼瞓……
 
 

3. 惡夢之追數大會

 
追數大會其實非常有用,但的確令人非常恐懼。

我覺得「追數」呢件事係好「反社會」嘅,
只可惜大家都唔太正常……
 
「Mary!點解呢單生意A公司有,而我哋冇呀?」
 
一聽你真係即時胃痛……
大佬呀,你問我我點知喎!

所以每位打工仔一聽到要開「追數大會」,
都不其然會「唉足半天」。
 
 

4.「交代你做過啲咩」大會

 
有種會議,是由好多team人組成的。
主要係話畀人知「我做咗咩!」
 
其實好花費時間,講真做咗啲咩大家自己睇啦...何必咁辛苦去耀武揚威。
 
但你都知,辦公室之間,team與team之間要角力,都係一種絕佳生態系統。
 
所以呢個會……多數要準確得好好,
亦好痛苦。
 

5. 萬人空想大會議

 
會議,係尋找解決方法。
開會一齊諗嘢係好正的。
 
但有啲會,你係知冇結果的,
因為諗到最後,結論只有一個,
 
就係「好!今日好多idea,我哋搵另一日開會再傾過啦!」
 
由一開始,就冇諗過解決,
而提出愈多點子,只會洐生更多會議...
LOAD MORE