你真識食!高海寧《森美旅行團》食評獲大讚高質

By COSMO

TVB節目《森美旅行團》,由森美帶大家去東京尋找隱世小店,吃喝玩shopping樣樣有齊,自開播以來反應不錯!而同森美拍檔的3位靚女主持高海寧、黃心穎、麥美恩,反而跑出了不是做開主持的高海寧。點解?因為高海寧的高質食評完全做到旅遊節目的目的,令人想即刻飛去日本食好野!

 

 

1. 食評具參考價值

打開電視見到旅遊飲食節目,最怕見到主持人以高八度的聲線讚食物好食,「雞有雞味」、「食落好有層次」等,沒內容、沒靈魂、沒參考價值。而今次高Ling獲網友大讚的地方,在於食評夠吸引。

 

例如:「醬油入面滲出柚子香味」、「香之餘帶甜味」、「有啲煙燻味,好似拎好多木頭喺下面燻嘅味道」,具體的形容,用詞豐富,言之有物,令觀眾仿如一起嚐到食物的味道,聽完都覺得餓,讓人很想立即試食。

 

2. 識食之人

高Ling表示自己好鍾意食嘢,好為食,而佢對食又真係有研究。聽到佢試食日式蟹王漢堡,就覺得佢厲害:「將啲蟹膏混入蟹肉搗碎然後拎去炸,咬落去好似爆漿咁」,食吞拿魚時,表示:「自己喜歡食中拖羅,因為保留左魚味和油香味。」足見高Ling係食家,對食有追求,識得分邊啲好食、邊啲劣食。

 

 

3. 真情流露

在《森美旅行團》中,主持們都走訪了不少食店,如海鮮漢堡包店、抹茶料理、高級壽司店、溫泉料理等,試勻吞拿魚、日式蟹王漢堡、豬心串燒、抹茶山藥玉子燒等美食,每次高Ling都唔顧女神形象大啖大啖食,唔介意鏡頭zoom in拍下她試食的即時反應。看到她食完好西,露出滿足幸福表情,甚至會話好味到要吮手指,極具感染力。唔作造的真實表現,觀眾至like!

 

高Ling表示食後感完全是發自內心的,好味的話她會講到好興奮,呃唔到人,亦都唔想呃人,這正正是旅遊飲食節目的真諦呀!

 

 

4. 食住瘦

女星拍飲食節目,最驚肥,不過愛惜及欣賞食物的高Ling,就唔會雀仔胃咬一細啖就當試左,反而大啖大啖食,尊重廚師!如何可以食住瘦?高Ling也有心得,就是「淨係拍嘢時先食嘢,放飯時就唔食,咁就唔會一日食成6、7餐。」Roll機時盡情食,盡情讓舌尖感受食物,讓觀眾feel到有幾好食。

 

 

5. 七情上面

 

除了試食,玩其他野高Ling都全情投入。有集講主持們去玩VR,原來高挑的高Ling有畏高,逼真的VR令她嚇到喊,但她都堅持玩完隻game,觀眾睇到覺得好笑之餘,都佩服其真性情演出,非常貼地和親切。

 

延伸閱讀 >>> 愛老婆、錫仔女、照顧退休父母!森美係有膊頭有腰骨嘅好男人代表

延伸閱讀 >>> 張孝全出道16年的多變戲路!自稱張太的你是從哪部電影愛上他?

LOAD MORE