韓片襲NetFlix,2018年必睇3套韓國大片

by HY

各位屍迷,又可以睇到延尚昊導演嘅大作啦!NetFlix嚟緊將會推出《屍殺列車》導演延尚昊嘅最新作品:《Psychokinesis》,預計喺2018年全球同步首播。今次延導會畀到咩驚喜大家呢?除此之外仲有兩套作品上架,大家可以盡情煲戲!

三套韓國大片陸續於NetFlix上架


由於Netflix早前宣佈同韓國知名發行商 Next Entertainment World合作,除咗《Psychokinesis》之外, 仲會有另外兩套韓國電影:《Steel Rain》、《The Chase》喺Netflix。《Psychokinesis》係一套黑色幽默電影,劇情就講述一名父親某日突然獲得超能力,並以此拯救身陷困境的女兒。唔知係唔係又有賺人熱淚嘅情節呢?電影由實力派男演員柳承龍,以及人氣女星沈恩敬主演。

 

 


Steel Rain》就由韓國大熱電影《正義辯護人》導演楊宇碩執導,鄭雨盛及郭度沅主演,聚焦喺朝鮮半島嘅核武威脅,故事講述北韓爆發一場政變,迫使總統及其親信逃至南韓。

 

 
The Chase》講述兩位主角追捕30年前一場未解懸案嘅嫌犯。由導演金洪善執導,資深演員白潤植及成東日主演。

 

Psychokinesis》2018年將會喺NetFlix全球同步首播,而《Steel Rain》同《The Chase》都會陸續上架,大家要密切留意啦!

 

 

延伸閱讀 >>> 《STRANGER THINGS》「冇牙」細路夢想做演員!7歲開始試鏡 10歲獲選演《孤星淚》

延伸閱讀 >>> GAL GADOT拒與涉性侵監製合作 揚言辭演《WONDER WOMAN 2》

LOAD MORE