超時空仙氣!Do姐飯局 吳美珩凍齡登場

by 三弟

 

Do姐最近分享一張飯局合照,相中有宣萱、顧紀筠,同現年45歲、有「吳美人」之稱的吳美珩!網民一見相片就不得了,久未露面的吳美珩,氣質不減,依然仙氣爆棚,同以前喺電視機見到嘅佢無分別,十足凍齡一樣,大家都話掛住佢拍嘅劇!

1.姐妹飯局


Do姐約食飯,就連近年絕少公開露面的吳美珩都有出席。 Do姐po相寫道:「昨天與幾位美女聚會,不容易啊,由同事到現在還能keep住友誼!非常珍惜每一次這樣的聚會!」

 

相中4位容光煥發,尤其吳美珩,仙氣迫人,完全睇唔出實際年齡幾歲,網民見到大讚佢Keep得相當好!

 

 

2.掩蓋不了的氣質


曾經是大台的當家花旦的吳美珩,今年原來已經45歲,但臉上完全無歲月痕跡,保養得宜。她畢業於三藩市州立大學國際關係科,96年參選國際華裔小姐亞軍之後入行。吳美珩和其他TVB花旦有點不同,就是有點獨特氣質,優雅、高貴、知性美,給人與世無爭的感覺。

 

3.經典演出

吳美珩出道不久後即被力捧,參演過眾多經典劇集,包括《真情》、《刑事偵緝檔案III》,《天地豪情》、《刑事偵緝檔案IV》、《烈火雄心》、《碧血劍》、《九五至尊》、《楚漢驕雄》、《下一站彩虹》、《女人唔易做》等。

 

近來,TVB深宵重播《妙手仁心III》,劇集雖然和現在相差12年,但吳美珩那種美,真的是跨越時空,飾演女醫生Sarah的她,穿上醫生袍都掩蓋不了其氣質。更有年輕網友說她的樣子有點像韓國偶像組合少女時代的成員太妍,同樣瓜子口面,輪廓好看。

 

 

4.闊太生活

不單止網友喜歡吳美珩,就連不少TVB監製都想她復出。不過,應該難喇。吳美珩息影後,一直專心照顧家庭,過住少奶奶的生活。其老公美籍台商王華麟Jerry家族生意包括建築和電機工程等,據悉公司資產逾250億港元,而吳美珩就名副其實過住闊太生活。

不過知書識禮的吳美珩,就曾說過︰「闊太的稱呼真是太抬舉,他在我心目中上上進、聰明及有理想的人,拍拖時是好男朋友,結婚後是好老公。」好得體!

 

 

5.相夫教子


2007年《妙手仁心III》播出之時,吳美珩已經大住肚,及首次承認於2001年已經與王華麟成婚。

吳美珩為丈夫誕下大女Maegan後,為了專心湊女,決定在事業高峰期退下,淡出幕前,2011年再生多個囝囝,湊成一個好字。息影後10年來專心相夫教子,以買餸、湊仔女為樂,生活開心自在,唔怪得無諗過復出。觀眾如想一睹吳美人風采,就唯有睇深宵重播喇。

 

 

延伸閱讀 >>> 驚咗「限奶令」?花旦小花台慶收奶 行高貴路線

延伸閱讀 >>> 馬明被逼咀阿Bob!緋聞女友黃心穎:嗰刻我都嚇親

LOAD MORE