冬風起 病菌嚟!你有冇一啲同事係病咗都堅持唔戴口罩?

by 新北由己

最近身邊好多同事都開始「Sick sick哋」,
病嘅季節,已經降臨!

正常來說,
唔舒服就應該請假,即使覺得可以繼續工作,
都應該戴返個口罩!

但偏偏有啲人,明明已經病入膏肓,
都依然緊持「冇罩人生」!

成為病菌感染源!!!! 

記得有同事借啲意扮關心佢(其實提佢):「哇,你病得咁西利,使唔使戴個口罩呀?」

點知佢話:「好……好少事啫……唔使啦………咳咳咳!!!!」

之後佢噴到我同事成面口水……

遇上呢啲同事,應該點令佢覺悟!戴返個罩!
又或者保護自己呢?

 

 

1. 誇張手法,全方位消毒!

好,講佢唔明,你就喺佢個位附近瘋狂消毒!

佢隻手掂過嘅!消毒!

畀佢口水噴過嘅!消毒!

佢食過嘅嘢!完全唔好郁! 

佢應該都會意識到自己成個怪人咁,會肯乖乖戴返個罩!

 

2. 佢唔戴口罩!你戴!

OK,個同事安心做怪人,總之就佢有佢大病,你有你驚青!

咁佢唔戴,就你戴!! 

一間公司,得一個人病,但全部人(除咗病嗰個)都戴口罩!

群眾壓力,到時唔到佢唔屈服!

3. 佢一日喺公司,你一日都要求work from home!

 

但諗深一層,明明係佢病,點解要委屈自己?

有時同事仲要唔係小病,係啲高危險性傳染病!

咁你要開始行動!
佢係要返公司,又唔戴口罩嘅,
咁你就要求work from home!

真係有佢冇你!

 

其實戴口罩唔舒服係人都知,但做人要有公德。

因為一己私慾,唔戴口罩,就點都唔要得!

 

LOAD MORE