終結曖昧悶局 !7招將「友達之上」升級成戀人

By COSMO

 

 

曖昧不清的關係令女生感到疑惑不安,友達之上戀人未滿的狀態讓人攪不清求愛的暗示,對方到底收到定係扮收唔到。能成為密友大概總帶著愛,想升呢成為真正的女朋友,要主動花點「心機」才能成為戀人,否則只會永遠是朋友呀。而重點 — 就是要激起男人的佔有慾!

 

 

在開始之前:一定要清楚自己的心意

喺同密友發展成戀人之前要先了解自己是否真的想要這段關係。如果只是想找個水泡來填滿剛分手的空虛,或是自欺欺人來氣弄前度,咁就無謂開始一段不必要的愛情啦。最後除左失去一段所謂的愛情,仲會失去埋一段可貴又難求的友情。

 

 

2. 找閨密作你的顧問

曖昧的關係會令人的判斷力下降,失去理性的分析,不留神的話便會因衝動而下錯決定。所以和人攪曖昧的時期,最好找你的閨密從長計議,因為局外人看的會是whole picture,而閨密總是了解你的個性、需要、愛好等習性,多一個人的意見會令你多一個角度分析現況,為自己作一個更好的決定。

 

3. 太過撒嬌得女人,不是最好命

未成為真正的couple,都唔好向對方過份撒嬌,例如過多的要求,好似又要morning同good night call,定時定候要送禮物等。撒嬌太多或表現任性,在男人角度而言是 — 麻煩!男人最抗拒的還有難以理解的呷醋行為,所以表現大方一點是加分的行為,要多加留意。

4. 生活品味比只注重外表更charming

靚係重點,無奈身於外貌協會的社會,人靠衣裝是避不開的。但如果只著重外表,而忽略自己對生活品味的追求,對方會因你單調乏味的生活而在你的吸引力減分。充實個人的心靈滿足,是對自己和愛情上最好、最永恆的投資。

 

5. 從佢的兄弟收風

由男人的兄弟著手,能有效探清佢的心意。即使你認為同對方發展有多順利,都要小心被friend zone的機會,最後浪費了心機和時間。所以要搵好機會,從佢的朋友的口風探知佢對感情的想法及需要,同時透露下自己跟他的狀況,細心留意佢朋友的反應,睇下呢段感情係咪有機,同埋應該怎樣出擊才能抱得男神歸。

 

6. 有意無意散發女人味

溫柔是男人無法抵擋的攻擊。偶爾的示弱是令男人最容易失守的招數。在面對困難時,收起你「一個人也攪得掂」的個性,但要以正面的心和對方展現柔弱和無奈的求助,呢招有效激起男人的保護慾,而你的成功率也增加了一半啦!

 

7. 要懂適當的timing挑起佢的佔有慾

佔有慾 — 是男人最大的弱點,要得到他的心就要拿好timing。佢可能對你也有意思,但因為懶而冇動力去將你girlfriend化。而呢個階段你就要踢佢一腳,否則最後只會friend zone你。要讓佢知道如果你地的關係唔升級的話,佢會失去你(例如令佢察覺到情敵的存在),喺呢個moment佢個佔有心就會爆發,自然向你表態。

 延伸閱讀:超時空仙氣!DO姐飯局 吳美珩凍齡登場

延伸閱讀:冬風起 病菌嚟!你有冇一啲同事係病咗都堅持唔戴口罩?

 

LOAD MORE