《Do姐再Shopping》返嚟喇!農夫Do姐同天然呆馬國明歐洲踩單車

by 何渾

 

 

 

近年Do姐比以前好睇好很多!
當然不是說她不斷更新的臉容,而是指Do姐的神奇氣場,夥拍年輕一代擦出的化學作用!由電台節目口水多過浪花,令Do姐由大台嚴肅司儀一姐變成好笑精甩尾阿姐。兩年前《Do姐去Shopping》湊住農夫帶大家去旅行,引發連串笑彈,令大台收視靚晒!
這對搞笑鐵三角再度出發去旅行,新一輯《Do姐再Shopping》有咩賣點?



1.     丹麥的男神與太后
新一輯《Do姐再Shopping》依舊有農夫、翠如BB,馬國明主持,兼且新加入蕭正楠帶大家去丹麥、意大利同日本。齋睇陣容已經覺得一定好笑,因為有比較先有笑點,上輯被Do姐取笑豬一樣的C君與陸永,在男神馬明面前,完全回歸為兩件「垃圾」。馬明神不斷侍奉,Do姐不忘怒讚呢粒高級兵顏值高,服侍周道,完美演釋何謂女神與兵。節目仍在拍攝期間,Do姐已經忍唔住拉馬明齊齊開Live,男神地位超晒班。而且今輯堅持笑位不重覆!好期待囉。

馬明chok住影相點影都型, C 君仲搞左個 gag:「並唔係我影得佢型,係佢真係型,一理通馬國明放假一天。」

c君一出手,就知有沒有!拍到Do姐超有少女味。



2. 日本揸Mario戰車
緊貼返個主題,旅遊節目嘛。時下問問Google大神,購物指南九秒九多到睇到晒。但今輯不只Shopping咁簡單,仲帶玩一系列貼地運動。好似日本揸Mario Kart,齋聽個名已經好想玩!

 

重點是Do姐以實力展示何謂年齡不是問題,除了是女車神,更是女版蜘蛛俠,連室內攀石都難不到她,翠如BB都輸晒,至於陸永更要企埋一邊,因為佢不只沒有車牌,連踩單車都不用,所以在丹麥站就與C君上演基味甚濃的後現代浪漫單車共乘……

3. 意大利有人買戒指!?


意大利一站完全為一聚購物精而設,瘋狂爆買!今隻未必有「dodo」與「diddid」笑料,但就有好曬的恩愛情侶真人Show。話說今輯新加入蕭正楠,到底是否因為翠如BB?反正這對情侶都是公認事實。而蕭正楠在尾站意大利出場,陪住鐵三角血拼,其中一幕他就跟住Do姐到戒指櫃檯,到底係咪買戒指比翠如BB?好想知呀!

<<延伸閱讀>> 美白牙齒可安全進行嗎?你一定要認識美國熱賣嘅CREST 溫和美白牙膏

LOAD MORE