對人nice係好，但如果去到一個地步，你自己嘅需要被忽略、有人搶你啲功勞、有人成日將啲爛job推俾你做，或者奉旨當你阿四咁使，就要劃清楚「nice」 同「太nice」 之間條界線喇！

「Nice」 VS「太Nice」

「太nice」通常係因為想避免衝突，因此乜都唔出聲自己哽，會俾人被動、無決斷力嘅印象，久而久之，除咗對個人，對成個團隊都有壞影響。

太Nice跡象1：成日接垃圾

叫人做返佢自己本份好似即係話人，好難開口講，於是就自己做埋，長期落去，嗰啲有問題嘅人就會恃熟賣熟，開始乜都旨意你：

解救：當嗰啲人投訴自己工作量時，嘗試引導佢自己搵方法處理，而唔係馬上提供減輕工作量嘅解脫方案。

太Nice跡象2：成日幫人重做工作

因為佢哋做得唔好、免佢哋難受...於是你重做佢哋嘅做得唔好嘅嘢，咁佢哋永遠唔會喺錯誤中學習，而你自己嘅工作量又越嚟越多。

解救：請佢自己重做，咁佢哋先會留意邊度犯錯，你可以從旁協助，俾佢知道呢啲唔乜奉旨嘅，學識孭起自己應負嘅責任。

太Nice跡象3：你長期谷住情緒

你長期無表達感受，積壓咗委屈怨恨喺心，隨時谷到爆煲。

解救：有嘢令你唔開心時，客觀諗下點解你會有呢啲反應？你諗到啲乜？清晰咗自己立場之後，同當事人講：「我覺得唔妥當，因為...」，而唔係將焦點放喺怨佢或指摘佢上面。

太Nice跡象4：有人長期跟唔上水平

團隊裏面有人表現長期唔合格，而你又唔提出，但你又無可能一直幫佢補飛，結果你連自己啲嘢都顧唔掂。

解救：如果呢個人係你同事，你有責任俾你上司知道；如果佢係你下屬，你有責任去指導佢