2018全新Emoji即將登場！閨蜜、情侶、家人可以點用？

Leisure 閨蜜情侶家人 emoji Apple

Apple趁今日7月17日世界表情符號日（World Emoji Day），宣佈有70款全新Emoji亮相，當中包括光頭佬、超級英雄、「寒冷表情」、「派對表情」及多款食物、動物等等，對住家人、閨蜜、情侶時可以點用到呢啲新Emoji？即刻教你用！

17 Jul 2018

「我剪咩髮型好？」幾乎每隔幾個月就會聽到好姊妹問你呢個問題，Apple今次大量加入唔同髮型及髮色選擇，包括紅髮、灰髮和捲髮的人，連光頭look都有齊！下次答佢不如揀個Emoji回應！

范冰冰拍攝武媚娘時帶上頭套以光頭look示人，依然氣質不減。叫閨蜜試下光頭好，你又敢唔敢？

但其實佢都係冧女方法之一。當foodie女友問食咩好，男人可以將新出龍蝦Emoji及其他海鮮Emoji一併搬出，「自助餐」呢個答案，女友實會用以下呢兩款個新款回應你。

不過記住，女友問你今日打扮靚唔靚時，唔好誤傳龍蝦Emoji啊，以免被聯想起前特首夫人梁唐青儀的打扮，以為你暗串佢呀。

超人特攻隊即將上映，「超能先生」和「彈力女超人」又會為大家帶來唔同嘅超能力故事！現實中嘅爸爸媽媽雖然無超能力，但都係仔女嘅超級英雄，用呢兩款Emoji多謝佢哋就最適合不過。推出時一於將Family Whatsapp Group 改用呢兩款超級英雄Emoji命名！

中秋節就到，Apple順勢推出月餅Emoji應節，不過就唔好食太多，小心體重曝增！想串下女友／老婆食太多月餅會有肚腩，可以用埋infinity Emoji 配月餅，以及上年新增的大肚婆Emoji暗示！但要小心另一半嬲嬲豬啊！

最後送上24款新Emoji 讓大家先睹為快，屆時記得升級iOS 12享受一系列Emoji！