feature

香港電影金像獎2019🎥回顧歷年邊個攞得最多男女主角?唯一大滿貫演員係......

香港電影金像獎2019🎥回顧歷年邊個攞得最多男女主角?唯一大滿貫演員係......

係咪以為過完農曆新年同情人節之後就無節目呢?梗係唔係啦,去到4月除咗有復活節,當然唔少得香港電影金像奬啦!第38屆香港電影金像奬將會喺4月14日晚上於香港文化中心舉行,作為電影迷嘅你準備好未先?未準備好嘅話,等我哋一齊嚟會估下一啲金像獎之「最」啦!


最多提名電影

金像獎之「最」!邊個攞得最多男女主角?唯一大滿貫演員係......

由第一屆開始起,獲得最多提名嘅電影總共有4套,各獲得共16項提名。估唔估到究竟有邊幾套呢?佢哋分別係《臥虎藏龍》、《無間道》、《功夫》同《十月圍城》。

 

獲獎最多電影

金像獎之「最」!邊個攞得最多男女主角?唯一大滿貫演員係......

史上獲獎最多嘅電影係王家衛執導嘅《一代宗師》,由梁朝偉飾演葉問,而12個獎項成為咗獲獎最多嘅香港電影金像獎電影。《一代宗師》以12個獎項成功擊敗1996年《甜蜜蜜》9個獎項嘅紀錄!

獲得「最佳女主角」次數最多演員

金像獎之「最」!邊個攞得最多男女主角?唯一大滿貫演員係......

張曼玉被提名咗9次「最佳女主角」,當中4次成功獲獎,經典嘅作品包括《人在紐約》、《阮玲玉》、《甜蜜蜜》以及《花樣年華》。

 

獲得「最佳男主角」次數最多演員

金像獎之「最」!邊個攞得最多男女主角?唯一大滿貫演員係......

應該好多人都估到......就係梁朝偉啦!經典作品包括《重慶森林》、《春光乍洩》、《花樣年華》、《無間道》同埋《2046》!

 

年紀最大得最佳男女主角

金像獎之「最」!邊個攞得最多男女主角?唯一大滿貫演員係......

「最佳女主角」入面年紀最大嘅得獎者係羅蘭!羅蘭當年以1999《爆裂刑警》中飾演老人癡呆嘅四婆一角獲獎,當年66歲嘅羅蘭以精湛嘅演技深得觀眾歡心!而年紀最大嘅「最佳男主角」就係憑《女人四十》封帝嘅喬宏,得獎嘅時候69歲。

 

「大滿貫」演員

金像獎之「最」!邊個攞得最多男女主角?唯一大滿貫演員係......

攞哂「最佳新演員」、「最佳男/女配角」、「最佳男/女主角」嘅演員究竟係邊個?究竟係劉青雲、張曼玉定期梁朝偉?Nonono,你哋都錯哂,因為佢係chef le mon謝霆鋒!謝霆鋒喺1999年憑《新古惑仔之少年激鬥篇》陳浩南一角獲得「最佳新演員」,2010年憑《十月圍城》嘅鄧四弟獲得「最佳男配角」,再喺2011年憑《線人》嘅「細鬼」榮獲「最佳男主角」!

 

LOAD MORE