盤點5大TVB 奸妃女角色,邊個奸到邊睇邊憎到佢死?

最近大台劇《宮心計2深宮計》播得熱烘烘,陳煒演的太平公主,由最初掌控朝政、慫恿冊立成器(李天翔)太子等一切失敗後即將失勢;多年來大台也拍過不少宮廷劇,有些奸妃真係衰到隔住部電視都想佢快啲死,以下這5個「歷代」奸妃,你又有冇曾經邊睇邊憎到佢死?

by COSMO

胡定欣

胡定欣今次在《深宮計》暫時也是演好人,不過後尾地位受動搖後,會否改變呢?暫且等待事情發展!至於定欣就曾經在《萬凰之王》中演活奸妃,主要同胡杏兒對手戲,奸笑個啲表情,想打x她!

郭羨妮

在《洛神》中,大家最深印象蔡少芬同7步成詩,但入面的郭女王郭羨妮,為曹丕第二任妻子,為人毒辣,壞事做盡!

本為甄宓之婢女,後結拜姊妹,為上位反目,重同司馬懿聯手合謀誘使曹丕賜死甄宓,並令人以糠塞其口,以髮覆其面,衰到冇人有!

楊怡

在上集《宮心計》入面,楊怡為爭寵而走火入魔,變成奸妃後不斷害人!淨睇佢個造形,已經奸到出汁。

向海嵐

向海嵐在《無頭東宮》,角色同陳妙瑛換面後入宮,同陳妙瑛鬥過你死我活,當年又驚又亂又要睇!

溫碧霞

講到奸妃,又怎能缺少妲己呢?溫碧霞演的妲己由九尾狐變成,真係隔住個mon都聞到陣騷味!鄭子誠句「美人呀」,同埋個酒池肉林,真係如此令人難以忘記。

LOAD MORE