【死侍2】7大 Deadpool 2令人期待的看點,死侍組X-Force,有幾多個新角色登場?

兩年容易又Deadpool,今年Deadpool又翻黎見大家啦!今個月15號就上映啦,大家係咪都好期待呢?今次呢個最反傳統又寸寸貢的Superhero,繼續行賤嘴路線,越殺越興奮!今集佢為了拯救一名死肥仔細路,不惜吹雞叫齊老友,一齊對抗來自未來嘅超級士兵機堡。套戲就未上映,不過最近就出咗Final Trailer吊大家癮啦,等小編一齊同大家搵下今集有咩看點啦!

by cosmo

1. 死肥仔嘅真正身份?

我地都知道機堡喺未來千里遙遙黎到而加,就係為咗殺一個死肥仔細路,究竟呢個死肥仔有咩咁重要呢?Deadpool又因為啲咩原因而咁搏命去保護一個死肥仔呢?

Final Trailer 大放送!

2. X-Force成員角色背景揭盅?

《Deadpool 2》嘅演員名單入面,其中一位X-Force成員Domino確認咗會出現。雖然其中一啲成員背景開始變得明朗,但係到底電影入面會繼續賣關子丫,定係喺電影入邊揭盅呢?題外話,死肥仔嘅角色名叫Russell Collins,有可能就係X-Force成員之一嘅AKA Firefist,因為佢地個名係一樣嫁!

3. 新角色屈機超能力?

喺預告入面,有唔少嘅新角色出現,包括Bedlam、Shatterstar同Domino,佢地都有唔同嘅超能力,喺呢度就唔劇透啦,就由你入劇院入面自己去發掘啦!

4. Deadpool變種人嘅困境

       同X-men一樣,Deadpool主打都係變種人。預告入面睇到好多監獄、工廠嘅場景,睇黎今集Deadpool會講多啲時代背景俾觀眾知,可能會請多啲人類同變種人嘅衝突。

5. 超「爽」動作鏡頭

       一部Marvel嘅電影,又點少得動作鏡頭呢?出現唔少精采既畫面,跳車、跳樓、跳飛機呢啲都係基本,仲有喺溫哥華街頭嘅大混戰,打鬥同爆炸不斷出現喺銀幕,睇到人熱血沸騰,一個字,爽!

6. 大boss機堡點解會咁打得?

預告入面,見到一眾變種人出盡神功,但係都好似對今集嘅大boss機堡冇乜效用,甚至Domino同Deadpool都要出動「無敵較剪腳」。

7. 笑話連翻

        Deadpool口賤說係人都知,但口賤得後都非常抵死,下下都篤中笑點。喺預告入面嘅已經笑到小編出哂腹肌,Deadpool出品,必屬笑品,加上廣東話嘅在地字幕,一於一齊入去戲院留名等笑啦!

LOAD MORE