【第90屆奧斯卡】《廣告牌殺人事件》暴躁惡媽Frances McDormand原來老早拎過小金人?

【第90屆奧斯卡】《廣告牌殺人事件》暴躁惡媽Frances McDormand原來老早拎過小金人?

61歲女演員弗蘭西斯·麥克多蒙德Frances McDormand憑藉電影“三塊廣告牌”獲得奧斯卡最佳女主角獎。這是她第二次拿下此獎。早在1997年,在第69屆奧斯卡金像獎上她憑藉“冰雪暴”獲得最佳女主角獎。現在一起來認識這位敢言新鮮出爐女影后。

By COSMO

老媽發火,非同小可!

老媽發火,非同小可!

廣告牌殺人事件》入面飾演幫愛女復仇嘅暴躁老母Frances McDormand,之前幾乎憑呢部戲掃晒大批最佳女主角嘅獎項,最後更奪得奧斯卡影后,到底呢位60歲老媽子係何方神聖?原來佢一早已經係奧斯卡影后架喇,仲有好多你唔知道嘅小秘密!

極有前輩風範!Frances McDormand在致謝時,不忘激勵其他女電影工作者

Frances McDormand在致謝時,不忘激勵其他女電影工作者

Frances McDormand在細說領領獎感言時,邀請全體女性提名者起立,最後以兩個詞收尾,“inclusion rider”。大概是指在合同中加入相關條款,保證一定數量的女性和少數族裔參與你簽約的電影項目,此舉令所有女影藝事業從業員叫好。

群星站立,一同和應

《LadyBird》女主角Saoirse Ronan都有一份一同站立及拍手。

frances 小秘密1:耶魯碩士畢業

frances 小秘密:耶魯碩士畢業

首先講番Frances嘅出身,1957年美國,耶鲁大學畢業。嘩,耶魯?係呀,早喺高中時期,佢因為覺得自己表演好叻,所以一心諗住入行,先喺美國貝森尼學院的戲劇系畢業,然後去耶鲁大學戲劇學院深造,成為碩士研究生。畢業後先加入劇團巡迴演出,之後返到美國就活躍紐約嘅戲劇舞台  。

frances小秘密2: 96年奧斯卡影后

frances小秘密2: 96年奧斯卡影后

香港觀眾可能唔係太熟悉Frances,查實佢早喺1996年,就憑《雪花高離奇命案》攞到奧斯卡金像獎最佳女主角,但係之後就一直再無提名過奧斯卡影后,反而過去就有三度獲奧斯卡最佳女配角獎提名,但都冇拎過。事隔22年再提名影后,今次應該無走雞啦。

frances小檔案3:揚威影視舞台劇

frances小檔案3:揚威影視舞台劇

Frances其實唔止電影方面犀利,其實佢無論喺電影、電視抑或舞台劇,一樣擸過大獎,包括奧斯卡金像獎(電影)、金球獎(電影)、東尼獎(舞台劇)、艾美獎(電視劇),其中2015年,就以口碑超好嘅HBO迷你劇《的》獲得艾美獎黃金時段限定劇最佳女主角獎。

frances小檔案4:卡通配音人才

frances小檔案4:卡通配音人才

唔單只呀,你以為老媽子Frances咁惡,就一樣無愛心。錯!佢另一個厲害之處,就係幫好多卡通片配音,包括《荒失失奇兵3》、《恐龍大時代》,就連《阿森一族》佢都有份架!最近,佢就幫大導演Wes Anderson嘅柏林得獎作《犬之島》配音,認真犀利。

frances小檔案5:高安兄長老婆

frances小檔案5:高安兄長老婆

睇番Frances過去演出嘅名單,就會發現好多戲都係高安兄弟做導演,例如佢得獎嘅《雪花高離奇命案》、《血迷宮》、《CIA光碟離奇失竊案》,到近年《萬千星輝綁架案》,一一有佢份。查實,Frances係高安兄弟之中既高安哥哥Joel Coen個老婆,喺1985年《血迷宮》試鏡果陣相識,之後拍完部戲,就嫁咗畀個導演,兩公婆加埋個細佬,一直拍住上。

frances小檔案:討厭整容變靚D

frances小檔案:討厭整容變靚D

雖然年屆60歲,今次《廣告牌殺人事件》仲要經常暴躁上身,但Frances一啲都冇有怕,仲話知道有人批評佢好老,同埋塊面好殘,又凹又凸,但係佢就話自己唔駛整容,又唔駛打Botox,一樣可以演戲畀觀眾睇,反擊得嚟又串嘴,拍得住果3塊廣告牌呀!

LOAD MORE