輕鬆4招,令屋企打邊爐都變得不一樣!

輕鬆4招,令屋企打邊爐都變得不一樣!

近日天寒地凍,個個都想打邊爐!但有時懶得出去,
一家人想嚟過自家火鍋又感覺唔夠外面好食,
咁點算好!其實自家邊爐都可以花少少心思,令佢又獨特又啱晒一家人!

by 新北由紀

近日天寒地凍,個個都想打邊爐!但有時懶得出去,
一家人想嚟過自家火鍋又感覺唔夠外面好食,
咁點算好!其實自家邊爐都可以花少少心思,令佢又獨特又啱晒一家人!

1.湯底自定,唔一定用湯包、又唔一定要熬好耐嘅!

湯底最重要,外面啲湯咁正,因為熬十幾個鐘,落料又足。
喺屋企限制多,又想輕鬆啲,亦唔係冇辦法!

首先又係可以試下加啲「中藥材」做配料,幫家人養身。
枸杞係大熱門,鹿茸片同人參亦常用。
另外當歸同黃耆都可以一試。
大家可以自己試下配搭。

大約6碗水慢火熬煮至4碗左右,去藥渣就可以當作湯底(都係半個鐘至一個鐘)

中間可以魚肉、花雕雞等等,鮮味又健康。

甚至乎丙簡單啲,整個莞茜皮蛋豆腐湯底!煲10分鐘就得!
清下濕熱!食得開心!

2.鼓油醬料之達人

第二重要,當然係醬料。
你個鼓油整得啱自己心水,食物味道都昇華。

屋企人有時唔講究醬料,自然失色不少。

只要早有準備,辣椒油、辣椒仔、麻醬、香菜、韭菜花、蔥花、蒜泥、香油、麻油、腐乳汁等等放在眼前,已經媲美外面專門店……

有朋友直程有心得,佢鍾意辣辣哋,

會先放辣椒,再將花生油輕輕燒熱,倒入去,
最後融入生抽與老抽。

你睇下,屋企醬料任你配,邊有得輸?

3. 開支白酒試試佢?

你多數飲可樂係咪?都啱嘅。
但其實飲啲果味重嘅酒一樣Work,外面食一飲酒就貴。
自己屋企就唔同,平平哋都有好貨色。

最重要係一家人嘛,打邊爐緊係要傾下計,有時飲少少酒,會講得放啲,
傾都傾得開心啲。

加上果味同肉類撞出嚟感覺,另有一番風味!

4. 蔬菜邊爐!來一個

當然唔係全蔬菜啦!一定有肉!
但外面嗌菜,唔平而且你最多叫兩三款,屋企就唔同!

而且好多蔬菜都係熱量低、高纖維,
例如紹菜、菜心、菇類、番茄、南瓜、茼篙

再者,有啲係可以「熬到尾」
推介昆布、高麗菜、粟米、蘿蔔、洋蔥,
全部到尾聲都好食到不得了。

仲未完,
土豆片、金菇、韭菜、木耳都係我至愛。

咁多款,慢慢揀,食得超開心。又可以補返平時少食菜嘅生活!
不過講到尾,一家人可以喺屋企食飯已經開心,
天氣凍,打住邊爐更加喺享受,
等暖氣同笑聲包圍住你,為你驅走寒意。

LOAD MORE