《哈利波特:霍格華茲之謎》手遊最新預告出爐,一齊收霍格華茲入學offer!

《哈利波特:霍格華茲之謎》手遊最新預告出爐,一齊收霍格華茲入學offer!

大家仲就唔記得大概喺一月中旬發佈嘅《哈利波特:霍格華茲之謎 (Harry Potter: Hogwarts Mystery)》首輪預告呢?上次遊戲開發者Josh Yguado 就透露咗:「呢款遊戲並唔係嗰種好講求速度嘅多人連線遊戲,而係角色扮演遊戲,等你可以好似一個學生咁,喺學校探險同埋學魔法。大家聽到呢度,係咪已經覺得好興奮呢?

By COSMO

實際遊戲畫面發佈!

雖然上次嘅首輪預告並冇透露好多野,但係今次就唔一樣啦!最新嘅預告片發佈咗好多實際遊戲畫面,睇到小編到熱血沸騰啦!

▲同《哈利波特》一樣,玩家可以喺四個學院入面揀自己嘅學院。

根據遊戲進度黎學魔法。

對話會決定同朋友關係嘅發展。

 

▲可以發現唔同嘅魔法機關同奇異生物。

可以用魔法同同學仔對戰。

仲可以同電影嘅人物交流,石內卜、鄧不利多、麥教授…個個都見到!

強力合作班底,信心保證!

《哈利波特:霍格華茲之謎》由華納授權,手遊工作室 Jam City同 Portkey Games 共同製作,包保令你有個完美嘅魔幻旅途!

遊戲即將推出

目前喺Google Play已經有遊戲嘅頁面出現,而iOS 系統就即將推出,距離遊戲嘅發售日期已經好接近,有興趣嘅朋友記住要留意啦,霍格華茲等住你黎!

LOAD MORE