櫻花北海道下午茶!唔洗飛日韓都可以「賞櫻」

相信一講到北海道,大家第一時間就會諗到嘅,就一定係嗰度四季分明嘅怡人景色最近帝京酒店嘅Lion Rock餐廳酒吧,同日本美肌品牌HABA聯乘,合作推出「純‧ 北海道下午茶」,只要喺推廣期內惠顧兩位用套餐,就會送你一份HABA無添加主義禮品包。十分抵之餘,仲可以喺香港都享受到北海道嘅產品。

By COSMO

櫻花漬明蝦伴草莓

踏入春天,又係賞櫻嘅季節,當然唔少得用櫻花造嘅茶點啦!「櫻花漬明蝦伴草莓」將鹽漬櫻花切碎,將鮮蝦輕醃後焗製,再以熊本士多啤梨粒同牛油撻盒裝上。食落除咗有淡淡嘅櫻花香,仲有鮮蝦嘅爽脆、草莓嘅香甜,質感好豐富!

北海道帆立貝雲丹燒

講到北海道嘅好野食,一定要提到佢地嘅水產,最出名嘅當然係佢地嘅帆立貝啦!北海道嘅寒冷水域,孕育出肥美肉厚帆立貝。「北海道帆立貝雲丹燒」喺又軟又嫩嘅帆立貝上,搽上用新鮮海膽同野菜調製成嘅海膽醬,再用火槍炙燒到岩岩熟嘅程度,超級嫩口!兩種食材嘅鮮甜結合埋一齊,真係令小編都流哂口水!

真假拉麵-迷你札幌薑蓉味噌湯拉麵

兩碗望落去好似一樣咁嘅拉麵,真係難分真與假呀!望真啲,原來右邊嗰碗熱辣辣嘅先係真。拉麵。講到北海道嘅好東西,除咗水產之外,最出名嘅一定係佢嘅札幌味噌拉麵。今次大廚用上大量嘅豬骨熬製湯頭,再加入白味噌同赤味噌,真材實料,熬出黎嘅味噌湯底自然味道十分濃厚!彈牙嘅拉麵同自家製叉燒浸喺濃厚湯底,雪國嘅風味充滿每一啖!

迷你鬼馬拉麵蛋糕

另一個成個蛋糕咁樣嘅,原來係大廚炮製嘅鬼馬拉麵蛋糕!鬼馬蛋糕一向都係糕餅大廚嘅拿手好戲,今次就有迷你拉麵蛋糕。驟眼望落去,仲以為係真嘅拉麵添呀!其實,面層嘅叉燒係用牛奶朱古力慕絲製成,中間仲有用牛奶啫喱整成嘅脂肪,認真精緻!挖開蛋糕,入面原來係綠茶白朱古力慕絲同十勝紅豆蓉,字治金時般嘅味道十分香甜,一眾抹茶控一定要黎試下!

北海道蜜瓜慕絲

北海道蜜瓜慕絲」係蜜瓜造型嘅甜品,單單係賣相就十分搶眼。好似蜜糖一樣咁香甜嘅北海道蜜瓜,一直以黎都大受香港人嘅歡迎,今次大廚用上北海道蜜瓜果蓉,同香濃嘅忌廉mix埋,整成清甜而幼滑嘅慕絲,中間夾咗蜜瓜果醬,外面用白朱古力包裹,層次分明,係非一般嘅甜品

番薯燒

番薯燒係一款最經典嘅日式甜點,大廚會先將番薯蒸熟再壓成蓉,再混合雞蛋、蜂蜜、麵粉等材料,搓成番薯外型再焗香,最後灑上可可粉。遠睇好似真嘅番薯一樣,趣緻得意。一口咬落去,香甜嘅粒粒番薯肉令人滿足感爆燈!

果香特飲

下午茶亦推出咗兩款嘅果香特飲,特別以品牌理念命名,分別係Health AidBeauty Aid。薄荷綠嘅Health Aid以綠茶做基調,配上蜜桃果蓉,入口清香;迷人粉紅嘅Beauty Aid,就用上清酒、荔枝甜酒同荔枝果蓉材料等調配而成。

HABA無添加主義禮品包 總值HK$365

除咗下午茶之外,HABA無添加主義禮品包嘅產品都好吸引其中包括:

鯊烯精華卸妝油(20ml)、VC美白重生露(20ml)、鯊烯美肌清油II (4ml)、RM海洋傾注再生深層水 (7ml,共2包)、RM海洋傾注再生保濕精華 (1ml,共2包)、HABA無添加主義HK$100優惠券一張,總值HK$365!

關於 HABA 無添加主義

HABA源自於日本北海道,承襲了當地的純淨天然風,產品皆以溫和無添加為主,堅持選用優質的成分。其殿堂產品鯊烯美肌清油II (SQUALANEII)自推出來以來大受歡迎,其可以達致修復、滋潤及保護肌膚的功效,甫一推出便連奪3大美容獎項。HABA更將於2018年4月11日推出全新RM海洋傾注再生保濕系列,包括海洋傾注再生深層水及海洋傾注再生保濕精華。

費用及地址:

HK$508 兩位用 (包兩杯特飲)

HK$270 一位用 (包一杯特飲)

*另加一服務費

供應日期: 2018 年 4 月 1 日至 6 月 30 日下午 3 時至 6 時

Lion Rock

地址:九龍太子道西193號帝京酒店3樓

訂座電話:2622 6167

營業時間:上午 11:00 – 凌晨12:00(星期日至四及公眾假期)

上午11:00 – 凌晨2:00(星期五、六及公眾假期前夕)

LOAD MORE