Jennifer Lawrence瞓身演出扮「紅雀」?苦練芭蕾舞俄國口音兼全裸上陣

Jennifer Lawrence瞓身演出扮「紅雀」?苦練芭蕾舞俄國口音兼全裸上陣

傻大姐Jennifer Lawrence,繼《飢餓遊戲》之後,一次又一次性感演繹,不過今勻《紅雀特工》進一步性感裸露之餘,其實佢仲付出好多,不如睇下佢呢部戲有咩咁出色啦!

By COSMO

苦練跳舞3個月

苦練跳舞3個月

《紅雀特工》故事講述,Jennifer Lawrence本來係一名非常厲害嘅芭蕾舞蹈員,可惜因為一場表演不幸嚴重受傷,無法繼續舞蹈生涯,繼而被睇中被成為性感特工。話明係芭蕾高手,Jennifer Lawrence真身上陣,特登搵嚟美國著名編舞家Justin Peck同芭蕾舞導師Kurt Froman編排表演果一場舞。編舞之外,Jennifer Lawrence早喺拍攝3個月前,經已開始接受Kurt Froman嘅指導,每日訓練3個鐘頭。仲係高強度訓練,學識舞者嘅姿態、肢體動作、紀律等等,就連體型都有變。同時,戲入面同Jennifer Lawrence一齊表演嘅舞伴,就係烏克蘭著名芭蕾舞者兼演員Sergei  Polunin,所以絕對係非常認真。但佢話,最難都係練俄國口音喎!

全裸露點上陣

全裸露點上陣

呢部戲嘅最大賣點,應該係Jennifer Lawrence嘅最強body,勁換性感泳衣內衣晚裝甚至當眾被叫除衫做愛。外國影評大罵佢做乜要拍呢啲戲,但睇過先知,佢次次剝得有道理,冇得跳舞之後,被俄國情報機關睇中選入被譽為「妓女學校」嘅特工培訓學院,訓練以身體做武器,出賣靈魂施展色誘操控男人心嘅冷面殺手,偏偏佢又唔甘心跟大隊。其中Jennifer被要求當眾全裸做愛一幕,佢反而要做主動果個,要求男人望住佢做愛,結果個男人扯都扯唔起,為姊妹爭一口氣,而且又衝出咗幾年前裸照被黑客公開嘅陰霾。

盡力做自己

盡力做自己

相信大家都記得Jennifer Lawrence之前嚴寒天氣下性感出席活動被猛烈批評,佢就反擊「我凍,係我自己嘅事」,加埋早前有傳佢會息影一年投身NGO鼓勵後生仔女參與政治,雖然之後經理人又澄清番,但佢一直都我行我素,努力做自己,又同部戲嘅角色相似,就算係被安排做特工,好多時候都好似冇自己意見,但佢預判能力極高,亦能夠猜透人心,難怪美國特工愛上佢,而男男女女嘅觀眾,一樣咁喜歡佢。

LOAD MORE