更想看張孝全、陳家樂！《深宮計》外援如果換了《東方華爾街》的他們⋯⋯
有幾單娛樂新聞，看似風馬牛不相及，實際上可以串連一齊解讀。先是陳家樂的女友余香凝疑似劈腿，陳家樂在接受跟所屬公司同系的雜誌追訪，眼泛淚光我見猶憐，引起網民暴動，對余香凝的辱罵，要幾難聽有幾難聽。換了在一年前？就算余香凝弄得陳家樂精神病發，大概也不會有太多人留意。
同劇有另一皇牌外援夏文汐，本應是焦點，埋單計數，受歡迎程度輸給陳家樂一條青山道。很合理吖，看本地電視劇的，多是女性，在乜乜美魔女與物物小鮮肉之間，一定選擇後者。
要找外援的話，我就肯定找美男子，反正電視台的美女大把，多到可以在《美女廚房》做牆紙。
首選男版《宮心計》
所以，咪話《宮心計之深宮計》搞錯晒囉。係，係女人爭風呷醋勾心鬥角的宮廷片，女角最重要，於是找來劉心悠與周秀娜兩位重量級外援好像合情合理。唔係囉。就算劉心悠比一般女演員靚，周秀娜比一般女演員好身材，無用㗎，男主角一個係見慣見熟的馬國明，另一個只係馬浚偉，同樣欠缺新意。
我都幾肯定，如果把劉心悠與周秀娜換回一般電視台花旦，讓資源留來聘請男星外援，效果一定更佳。你還記得黃秋生回巢拍電視劇對師奶界有幾大震撼嗎？
吳鎮宇固然是師奶界別的神，尤其著上機長制服，一臉黑面都通殺。吳鎮宇未必肯拍古裝啦。仲有個更吸睛的張孝全嘛。
張孝全拍過台灣文藝片《盛夏光年》、《女朋友。男朋友》，向來是文青界同志界的萬人迷；又拍過台劇《醉後決定愛上你》，成為OL殺手；之後拍《被偷走的那五年》，情深款款，正式宣佈由八歲到八十歲只要看過張孝全的女性都中招。
試想像，如果張孝全做馬國明，穿上軍服，黃心穎仲唔變心？又或者，張孝全做馬浚偉，跟周秀娜霸王硬上弓，你唔睇到怪叫？再離譜一點，叫張孝全扮老做李龍基個皇帝角色，都得，夠高大著龍袍有型。
至於你話張孝全唔識廣東話，唔掂？多餘啦，配音都唔使呀，直頭照講國語，劉心悠講半鹹半淡廣東話，劇情都有交代原來因為成長期去過番邦生活之類，咁呀，講國語甚至講英文，肯定可以有個合理解釋的！
感謝閣下訂閱Cosmo電子報。
閣下將收到一封電郵確認，謝謝支持！
閣下已註冊Cosmo電子報，請按下註冊電郵上的連結，以激活閣下的帳號。
如果未收到註冊電郵，請按此重發。
閣下已曾註冊Cosmo電子報，請前往設定更改閣下的訂閱選擇。
據系統顯示，閣下為CosMart會員；如想訂閱Cosmo電子報，請前往CosMart後台設定 - 接收電郵設定更改閣下的訂閱選擇。
