天寒地凍嘅九龍城,除咗泰國嘢仲有咩食!?

天寒地凍嘅九龍城,除咗泰國嘢仲有咩食!?

提起九龍城,即刻會諗起泰國嘢之後再食糖水!

By COSMO

但其實踏入呢個地方,都有好多其它新鮮食店!
最近凍到冰天雪地,去呢度或者都係唔錯選擇!

玩味十足嘅「自己燒」串燒店 - 「少少串串燒小店」

行入去呢間「少少串串燒」,已經有一句提醒你:

「係要自己燒㗎!」

的確係有有少少串……點解唔燒埋畀我?

內裡玄機就係呢部特別機器

上層燒烤、下層可以擺串燒,仲有自己轉,確保烤得熟。

連menu都係得得意意,不過有啲唔易明㗎!

老闆強烈推介嘅抵食牛,肉質的確唔錯,對得住價錢有餘。

燒呀燒呀燒呀燒~~

其實座位唔算多,但寬敞舒服。裝飾亦好有心思。

話說當日佢哋仲係開業頭幾日,我一個人去食,就晒一張枱,都幾唔好意思。

我都有問老闆:「香港哋,擺多幾枱呀嘛!」
不過佢又話「寧願大家坐得舒服啲。」

佢最著緊嘅,係食客嘅感受。佢寧願賺少啲,都想食客可以燒得開心啲。

一班人講嘢都可以大聲啲,開懷啲。

睇返啲大集團,用盡空間搵銀;呢度反而有一刻喘息嘅空間。

童心夾夾機

都係為客人著想,現場有部夾夾機,
一家大細可以氹下細路開心;
男女朋友可以氹下對方開心;
就算成班單身寡仔,都可以氹下自己開心。

九龍城,睇嚟仲有好多嘢可以發掘,下次行開呢頭,又間間泰國嘢都試過,
不妨行入呢間「少少串串燒」,畀佢串返幾嘢啦!

好!九龍城咁大!應該仲有好多好嘢食,等我再探索下先!

不過溫馨提示,其實唔使燒咁耐!我燒一陣就已經擺落口啦!!哈哈哈

地點:少少串串燒小店littleinch
地址:九龍城城南道33號  

LOAD MORE