editing

奧斯卡2019 🎬《星夢情深》VS《波希米亞狂想曲》爭最佳電影 兩大音樂電影難分高下!

奧斯卡2019 🎬《星夢情深》VS《波希米亞狂想曲》爭最佳電影 兩大音樂電影難分高下!

奧斯卡金像獎2019 ,入圍的 8套最佳電影名單中,有兩套都係音樂電影,分別係《星夢情深》(A Star Is Born,台譯《一個巨星的誕生》)以及《波希米亞狂想曲:搖滾傳說》(Bohemian Rhapsody)。兩套音樂電影無論喺香港定全球都橫掃票房。究竟兩部同樣都係以音樂作靈魂嘅電影,又有乜嘢唔同之處呢?

by 梁心羽

《星夢情深》VS《波希米亞狂想曲》主題:追尋音樂夢

《星夢情深》VS《波希米亞狂想曲》主題:追尋音樂夢

《星夢情深》同《波希米亞狂想曲》兩部電影都係以追尋音樂夢為主題。唔同嘅係,前者本身係一套來自1937年嘅荷里活經典舊作,呢個可歌可泣嘅故事已被第三度改編;而後者則係傳奇英國樂隊Queen嘅首部傳記電影,記錄鬼才主音Freddie Mercury一生。

 

《星夢情深》VS《波希米亞狂想曲》音樂:原創新作與經典金曲

音樂作為兩套電影嘅重要主題,自然都咗唔少心力製作。《星夢情深》收錄嘅歌曲都係由男主角兼導演Bradley Cooper同女主角Lady Gaga以及其他精英攜手創作同監製,戲中兩位主角嘅定情歌曲《Shallow》不單深入民心,而且仲入選今屆奧斯卡最佳電影歌曲,早前Bradley Cooper仲突襲Lady Gaga嘅演唱會,一齊首度現場合唱呢首歌,唔知係咪為奧斯卡造勢呢?

作為Queen嘅傳記電影,《波希米亞狂想曲》收錄多首膾炙人口嘅經典金曲,包括《We Will Rock You》、《We Are The Champions》、《Love Of My Life》,觀眾甚至可以喺電影中知道呢啲金曲背後嘅創作背景同故事。

《星夢情深》VS《波希米亞狂想曲》主角:影帝、影后大熱!

《星夢情深》VS《波希米亞狂想曲》主角:影帝、影后大熱!

兩套電影都籌備歷時多年,最大原因莫過於搵到可以兼顧演戲唱歌嘅演員嘅確需時,不過最後選角都的確演活兩位主角,獲得觀眾一致讚好。本為樂壇巨星嘅Lady Gaga更憑《星夢情深》而讓觀眾進一步發掘佢演戲才華,佢甚至有份入圍爭奪奧斯卡最佳女主角(影后)添。

 

奧斯卡2019🎥最佳電影大熱:比較《星夢情深》VS《波希米亞狂想曲》兩大音樂電影

至於早前已率先憑《波希米亞狂想曲》勇奪金球獎最佳男主角嘅Rami Malek,更被影評人力讚,甚至被認為係本屆奧斯卡最佳男主角的大熱,隨時問鼎影帝!

 

《星夢情深》VS《波希米亞狂想曲》導演:同樣經歷換角風波

《星夢情深》VS《波希米亞狂想曲》導演:同樣經歷換角風波

除咗演員,事實上兩套電影嘅導演人選都經歷過唔少風波。《星夢情深》歷經多番人事變動,最終敲定由男主角Bradley Cooper兼任導演一職。

奧斯卡2019🎥最佳電影大熱:比較《星夢情深》VS《波希米亞狂想曲》兩大音樂電影

至於《波希米亞狂想曲》係由著名雙性戀導演Bryan Singer執導,佢曾經係《X-Men》系列電影及美劇《House》嘅導演同監製,但到拍攝後期導演同劇組、演員傳出不和,最後電影公司要換走Bryan Singer,並由英國導演Dexter Fletcher頂上埋尾。

 

LOAD MORE