胡說八道會去泰國！豪住三萬蚊晚極靚酒店

胡說八道會姐妹情深就係人都知架喇，之前播出嘅《胡說八道真情假期》，睇住佢哋去澳洲又玩又食，真係勁開心，而最近一班好姊妹又再一齊外遊去旅行！

原來2月12日係李施嬅嘅37歲生日，前排佢就約埋「胡說八道會」班好姊妹黃智雯、胡蓓蔚同姚子羚一齊泰國旅行，預祝生日，不過今次胡杏兒同胡定欣就未有同行喇。

好姊妹齊齊陪同李施嬅去泰國，過一個熱辣辣嘅生日！今次佢哋仲豪住泰國布吉Resort，嘆下世界，去到泰國就緊係要著背心短褲啦。

可惜嘅係杏兒同定欣今次未有得同行，但都無損佢哋4個嘅開心心情，仲輪住post相。

李施嬅37歲生日，雖然未有愛人同行，但係有好姊妹，都好幸福啦，佢仲留言話：「第一個生日慶祝。完美。感恩。」

成個行程就不停食同瞓，仲有欣賞勁靚嘅風景，好relax啊！

而佢哋今次入住嘅酒店就係位於布吉私人海灣嘅奢華級度假村，人氣好高架，長居旅遊網推薦第一位，唔怪得胡說八道會會揀呢到啦！

身材索爆嘅胡蓓蔚又點可以錯過咁靚嘅景，一於大影特影！

呢間酒店一晚要價近三萬元港幣，勁大間屋，加埋infinity pool望住大海，睇完都好想同自己嘅閨密一齊嚟hea啊！

房內有私人泳池，仲要望住個海同日落，好浪漫！

姚子羚都忍唔住要影多幾張靚相，岩晒一班好姊妹嚟邊玩邊影女神相。