從形象指導到blogger,面對新生代KOL Faye Tsui:要夠專業先有幫助

從形象指導到blogger,面對新生代KOL Faye Tsui:要夠專業先有幫助

「記得以前professor講過:『當你係個trendsetter,就唔可以被動地吸收。』現在我會親身去fashion week,睇不同的show,成為第一批接觸新一季潮流的人。可以以自身角度出發,選擇自己真正喜歡的時裝。」Faye Tsui從星級stylist到香港fashionista代表,生活跟鏡頭前的輕鬆亮麗,有很大差別。面對KOL當道的世代,Faye Tsui 又有甚麼看法?


KOL當道,人人都覺得這行很易做,拍拍照、打打卡就可以月入十幾萬,到底事實又係點?Faye在片中一一解答。

KOL vs Blogger

網絡剛興起時,像Faye這樣的fashionista大多是寫blog出身,現在平台多了,稱號也多了,如KOL、influencer、網紅⋯⋯稱呼不同,是否代表性質也不同?

KOL、influencer這類稱呼,應該是別人給你的,其他人認為你對該行業有影響力,才算是一位KOL。比起這些稱呼,我更覺得自己的職業是fashion stylistblogger,在網上分享自己喜歡的fashion items。」

打破大眾對KOL想像

一般人對KOL的認知,都是每天睡到黃朝百晏,然後穿得靚靚四出參加活動,再把握機會拍出不同美照,post上網呃like然後等收錢。Faye貴為不少大品牌愛用的KOL,她的生活明顯地跟各位的想像大相逕庭。

「因為另一半唔係做呢行,為了配合他的步伐,我每天都會陪他早起。晚上也會爭取七點前『收工』,回家陪他。」 雖說「收工」,但早已時裝入血的她,已無法把fashion從生活中分割開來。

「好多人會話:『咁你而家唔使買衫啦』,但我仍然係好鍾意買。因為由day one開始,我做呢件事就係為咗fashion,呢個初衷好穩固,成為了重要的動力。我做咗over十年,自覺熱誠冇咩點減⋯⋯」每次shooting都親力親為,襯衫、聯絡、構思一腳踢,只因熱誠仍在。

Fashion Week時裝周特別行程

九月又是時裝周季節,Faye每年都是品牌的座上客,她的工作,也會因為這件盛事而有翻天覆地改變;也只有這個時候,她才捨得暫時拋下家人,全情投入時裝懷抱。

「光是事前安排已花好多工夫!因為不只機票酒店,我仲要安排點樣去、要帶甚麼。一日要去五個show,又唔返得酒店,咁就要將所有衣物放在車上。同時又要make sure每一套衫都齊,帶少一樣都唔可以。因為去得fashion week,時間都好緊迫,有時趕到要在車上換衫。」

時裝需要尊重

「好多人都覺得我可以去巴黎、米蘭睇show好開心,事實真係好開心的,但行程卻好攰好趕。我一落機就會先去超市,買定水、energy bar⋯⋯因為我中間可能連食飯時間都冇。」日夜顛倒,甚至無睡眠時間,都不曾令Faye感到難受,但近年秀場上出現的KOL,就首次令她感到無奈。

「如果一個KOL背後,真係有該範疇的專業,咁真係可以幫助到該行業;如果只係單純打扮得靚去影吓相打吓卡,其實佢只係從客人的角度出發,對行業貢獻非常有限。我甚至見過有些人坐低,連品牌來自哪裏都不清楚,這樣的"influencer",對整個行業不會是好事。」

▲覆email、化妝set頭,Faye全部自己完成!

A Day With Faye

8:15am 一日起點:Post相 
「一睜開眼,就先post相,post完先再起身梳洗。」

10:00am 鏡頭以外的文職工作 
「回公司途中已不斷在回覆WhatsApp,和拍攝團隊、客人溝通聯絡。」

2:30pm 街拍女王落場
「Shooting通常安排在下午進行,一來不怕面部水腫,二來下午的陽光漂亮得多。」

5:00pm 出席品牌活動 
「除了fashion,現在還多了beauty和lifestyle的客,出席發布會可以吸收多點新資訊。」

 7:00pm 「收工」陪家人 
「其實都冇得真係收工,因為shooting前要準備好啲衫,過程未必能一氣呵成,一有時間就要諗要做。」

photos by Josh 
location at  Hong Kong Golf & Tennis Academy

LOAD MORE
FOLLOW US