editing

《真情》VS《愛回家》兩大經典處境劇大比拼!鬥CP、鬥奸角 你鍾意邊套?

《真情》VS《愛回家》兩大經典處境劇大比拼!鬥CP、鬥奸角 你鍾意邊套?

提起處境劇,相信《真情》同《愛‧回家》都會喺大家心中經典嘅頭兩位入面,兩劇都係以溫馨家庭為主線,但後者就以情景劇嘅形式,一集一個單元,當然前者要維持住個故事吸引力,加入好多特別嘅故事線都係一個吸引之處,大家各有各好難怪成為眾人心中經典!

by 林蝶

《真情》VS《愛回家》:鬥主題曲

《真情》播出已經超過20年,但係由李樂詩主唱嘅主題曲「無悔愛你一生」絕對可以話係hit到宜家,「笑聲笑聲滿載溫馨,快樂發心內」更加係時下年輕人成日引用嘅歌詞之一。

至於《愛‧回家》第一輯搵嚟欣宜唱嘅「擁抱愛」都曾經多次成為年輕人改編歌嘅目標,第二至四輯嘅主題曲雖然唔係人人都識唱,但主唱嘅都有當家花旦黃心穎,又有曾經包辦唔少劇集主題曲嘅歌手吳若希,一啲都唔馬虎!

《真情》VS《愛回家》:鬥人多

《真情》重播!TVB《愛回家》5大比較

如果鬥演員人數,一定係《愛‧回家》贏,因為佢已經開到四輯,四輯演員加埋已經過百,而且經典角色更加係令人深入民心。

《真情》重播!TVB《愛回家》5大比較

馬家一家相信比起叉燒炳一家更加入屋,因為佢哋直頭踩過界做埋綜藝節目《馬家開飯》,以戲劇形式介紹香港美食,可想而知馬家受觀眾歡迎嘅程度係幾咁高!

《真情》VS《愛回家》:鬥集數

《真情》重播!TVB《愛回家》5大比較

《真情》係香港電影史上播放時間第二長嘅電視劇,合共播出了1128集,可以話喺香港人心目中係一個經典嘅創舉,而《愛‧回家》四輯夾埋一定多過《真情》,但以單輯嚟計,暫時都未有一輯可以打破《真情》嘅紀錄,就連主演過《真情》同《愛‧回家》系列嘅丹爺都希望《愛·回家之開心速遞》再添食,挑戰到 《真情》嘅紀錄!

《真情》VS《愛回家》:鬥奸角

《真情》重播!TVB《愛回家》5大比較

講到《真情》嘅奸角,一定會諗起鄭子誠飾演嘅「李子浩」,佢逼May May食泥嗰一幕都令好多觀眾留下咗深刻嘅印象,而呢個角角亦令鄭子誠成為TVB御用奸角。

《真情》重播!TVB《愛回家》5大比較

至於《愛‧回家》系列入面嘅《愛·回家之開心速遞》,主要都係sell溫情多啲,但比較令人深刻啲就係細龍太—陳偉琪,佢奸得嚟又蠢蠢地嘅演譯都令好多觀眾記得佢嘅角色!

《真情》VS《愛回家》:鬥CP

《真情》重播!TVB《愛回家》5大比較

鬥CP嚟講,《真情》最深刻應該就係阿海、彩瑤同雙雙嘅三角關係,當中嘅讓愛同犧牲情節,曾經都令唔少女觀眾落淚。

《真情》重播!TVB《愛回家》5大比較

《愛·回家之開心速遞》入面大小姐同送水輝嘅一段感情真係無得輸,富家女同送水輝嘅情節睇到觀眾牙癢癢。

LOAD MORE