editing

奧斯卡2019 🎬《星夢情深》氣勢如虹!靠呢幾樣入圍最佳電影、影帝影后8 大提名!

奧斯卡2019 🎬《星夢情深》氣勢如虹!靠呢幾樣入圍最佳電影、影帝影后8 大提名!

第91屆奧斯卡金像獎2019 候選最佳電影大熱之一《星夢情深》(A Star Is Born / 台譯《一個巨星的誕生》)氣勢如虹,獲奧斯卡金像獎8項提名,包括最佳電影、最佳男主角(影帝)、最佳女主角(影后)、最佳男配角及最佳原創歌曲、最佳混音、入圍最佳改編劇本和最佳攝影。《星夢情深》由樂壇巨星Lady Gaga以及演《醉爆伴郎團》同《冒牌伴郎生擒姊妹團》等喜劇起家的 Bradley Cooper擔演男女主角,呢套音樂電影喺上畫時相當矚目,特別係Lady Gaga可謂鋒頭十足,甚至最初惹人誤會電影係Lady Gaga嘅自傳,咁到底本身呢套戲有咩特別,可以入圍咁多提名呢?


入圍最佳改編劇本:《星夢情深》第三度改編經典傑作

入圍最佳改編劇本:《星夢情深》第三度改編經典傑作

《星夢情深》電影故事藍本係根據源自1937年一套同名電影《A Star Is Born》而改編。呢個老掉牙嘅故事講述兩個熱愛音樂嘅創作人如何惺惺相惜,再走過人生嘅高低峰。人氣高踞嘅搖滾巨星Jack(由Bradley Cooper飾演),意外邂逅平凡女生Ally(由Lady Gaga飾演),被佢嘅音樂才華同魅力深深吸引。之後Jack更邀請Ally參與自己嘅巡迴音樂表演,一齊同台演出,雙方打得火熱發展成情侶。雖然才華洋溢嘅Jack係有酗酒問題,酒後經常為Ally帶來唔少麻煩,甚至賠上自己事業,但Ally都決意同佢結婚。漸漸Ally得到唱片公司賞識,簽約單飛出道踏上自己嘅音樂路,而佢嘅星途亦如日方中,但同時氣勢大不如前嘅Jack亦開始成為佢嘅負累。不過即使到最後,Ally都無選擇放棄Jack,但Jack為咗唔想再拖累Ally,決定作出扼腕嘅決定......

 

《星夢情深》入圍最佳電影 有跡可尋!

《星夢情深》入圍最佳電影 有跡可尋!

在此之前,《星夢情深》其實已經有另外兩個改編版本,前作都屢度喺奧斯卡頒獎台上大放異彩:1937原作喺奧斯卡上獲七項提名(奪得最佳原創故事)、1954年嘅作品獲奧斯卡六項提名、1976年嘅作品獲四項提名(奪得最佳歌曲)。因此接下來電影喺今年奧斯卡獲八項提名可謂意料之內,當中包括「最佳電影」 、「最佳男/女演員」 、「最佳歌曲」等。

 

《星夢情深》男主角、女主角人選風波

《星夢情深》男主角、女主角人選風波

早喺2002年,就已經傳出電影公司有第三度改編呢套電影的打算。唯獨男女主角方面,人選多番反覆,男主角曾經傳由Will Smith甚至Tom Cruise演出,而女主角其實一直屬意由Beyoncé擔綱,可惜周旋多年仍無結果,最後Lady Gaga同呢個角色一拍即合,電影先得以順利開拍,Lady Gaga更有成為影后。至於導演人選亦有多番變動,最後敲定由男主角Bradley Cooper首度自導自演,挑戰都真係幾大!

 

Lady Gaga成奧斯卡影后大熱 經典一幕令人難以忘懷

就算冇入場,都會從trailer知道電影入面兩位主角喺台上高唱一曲《Shallow》定情嘅片段,但其實除咗呢幕,Lady Gaga喺最後一幕情深唱出《I'll Never Love Again》懷緬悼念亡夫的一幕,同樣令觀眾留下難忘印象,甚至睇到淚崩,據知Gaga之所以流露咁真摯的情感,全因拍攝前佢得知好朋友因癌症惡化而過身。

奧斯卡2019 🎬《星夢情深》氣勢如虹!靠呢幾樣入圍最佳電影、影帝影后8 大提名!

可惜在剛過去的第76屆金球獎頒獎典禮上,Lady Gaga不敵《The Wife》女星Glenn Close,與金球獎影后無緣,但她仍可緣寄望 2 月底的奧斯卡影后!

入圍最佳原創歌曲 《星夢情深》音樂會非做戲 都是現場收音!

入圍最佳原創歌曲 《星夢情深》音樂會非做戲 都是現場收音!

故事深情動人之外,電影亦創作咗唔少琅琅上口,風靡全球嘅流行大熱金曲,包括入圍「最佳歌曲」嘅《Shallow》。電影歌曲亦展現咗多元化嘅曲風,包括country以至電子舞曲,全賴一班音樂精英攜手創作,而Bradley Cooper同Lady Gaga都有音樂創作團隊核心,真摯演繹歌曲中嘅神髓。為求真實,電影內部分音樂會嘅片段仲係喺2017年美國大型音樂節Coachella中現場拍攝,全是現場收音而不是預先在錄音室錄好再對嘴的成果!

嚴謹監督音樂創作 金球獎上先奪聲威!

嚴謹監督音樂創作 金球獎上先奪聲威!

所以在金球獎頒獎典禮上,《星夢情深》憑《 Shallow 》一曲勇奪最佳電影歌曲獎,實屬意料之內,Lady Gaga更為了此歌前後改動了 18 次,是100%心機之作,眾望所歸。

LOAD MORE