feature

【香港假日好去處】閨蜜聚會必試Afternoon Tea $200有找 !

【香港假日好去處】閨蜜聚會必試Afternoon Tea $200有找 !

同閨蜜dating,不外乎三個目的——傾心事、打卡、歎美食。通常要一次過滿足呢三個願望,就只有一個活動啱大家:歎下午茶。不過有咁多好朋友,次次食下午茶都洗幾百蚊,實在心痛死。唔想銀包大出血,就要mark實以下兩個期間限定的下午茶推介,每人$200有找,CP值爆燈!


1. Love Café 復古雲石Tea Set HK$198/ 2位

【CP值爆燈下午茶】閨蜜聚會必試Afternoon Tea $200有找 !

一站式婚禮服務公司拉斐特自家餐廳Love Café推出全新下午茶菜單,呢套「復古雲石Tea Set」合共9款茶點。餐廳用上大小不一的金銅色邊框玻璃鏡面架作餐盤,甜品擺放得非常優雅,搭配型格黑白大理石餐盤奉上3款咸點,帶點文青氣息,最啱閨蜜聚會打卡!

【CP值爆燈下午茶】閨蜜聚會必試Afternoon Tea $200有找 !

▲復古雲石Tea Set含三道咸點

【CP值爆燈下午茶】閨蜜聚會必試Afternoon Tea $200有找 !

▲復古雲石Tea Set含六道甜點

Tea Set有芝士味濃郁的松露蟹肉芝士多士和可口的玫瑰三文魚伴魚子醬,滿足你的味蕾,另外喜歡cheesecake的朋友,一定要試雲石芝士蛋糕!仲有經典英式鬆餅及士多啤梨撻正在呼叫你的第二個胃!價錢方面,平到你唔信,兩人價只係HK$198 (另加一服務費),平均每人$108.9 咋! 

【CP值爆燈下午茶】閨蜜聚會必試Afternoon Tea $200有找 !

拉斐特其實係一個婚禮場地,有多個不同主題的婚禮場景,打算結婚的情侶可以在Love Café歎下午茶時順道site visit,籌劃屬於你的夢想婚禮。

下午茶INFO

日期:2018年9月1日起12月31日
時間:2pm - 6pm
價錢:  HK$198/ 2位*
*另收加一服務費

2. 諾富特東薈城酒店「初綻‧花饌」下午茶自助餐 HK$148/ 位

【CP值爆燈下午茶】閨蜜聚會必試Afternoon Tea $200有找 !

諾富特東薈城酒店的ESSENCE餐廳推出「初綻‧花饌」下午茶自助餐,超過50款花饌甜點吸引女生眼球。所有糕點都超精緻,好適合打卡,包括櫻花水信玄餅、薰衣草泡芙、萬壽菊白朱古力慕絲、薰衣草焦糖燉蛋、水晶櫻芝餅、洛神花椰香奇亞籽等,伴上櫻花特飲,真係好想樣樣試勻!

【CP值爆燈下午茶】閨蜜聚會必試Afternoon Tea $200有找 !

▲圖左:薰衣草泡芙;圖右:櫻花水信玄餅

薰衣草泡芙內含豐盈的奶香忌廉,面層塗上薰衣草風凍糖霜,綴以鮮花作裝飾,完全唔捨得食。而櫻花水信玄餅就像小雨點般晶瑩剔透,配上香醇的黑糖,口味淡而順滑。

【CP值爆燈下午茶】閨蜜聚會必試Afternoon Tea $200有找 !

▲圖左:橙花意大利芝士蛋糕;圖右:水晶櫻芝餅

橙花意大利芝士蛋糕,以軟滑忌廉芝士夾着橙花、鮮橙粒及橙味果醬,芝士及橙香兼備。而水晶櫻芝餅則以紐約芝士蛋糕上配以荔枝果凍製成的水晶,再加入櫻花,不止賣相吸引,層次口感也很豐富。

【CP值爆燈下午茶】閨蜜聚會必試Afternoon Tea $200有找 !

▲圖左:櫻花蝦櫻花炒飯;圖右:萬壽菊白朱古力慕絲

櫻花蝦櫻花炒飯混入櫻花、雞蛋、蝦乾及叉燒粒炒成,飯面鋪有櫻花蝦,飯亦炒得夠乾身,值得一試;萬壽菊白朱古力慕絲以淡忌廉、萬壽菊花瓣及白朱古力製作,綴以頂層的新鮮菊花,睇落好貴氣。

酒店下午茶自助餐,價錢一向至少400蚊落樓,諾富特東薈城酒店今次CP值極高,只需HK$148即可大歎以上美食,絕對適合閨蜜同來度過一個花香噗鼻的下午!

下午茶INFO

日期:2018年9月8日至11月25日逢星期六、日及公眾假期
時間:2:45pm - 5pm
價錢:  HK$148/ 位(星期六及日);每 HK$168/ 位(公眾假期)*
*另收加一服務費

LOAD MORE