影片剪接師福音!最新Final Cut Pro X將加入360° VR 影片剪輯功能

影片剪接師福音!最新Final Cut Pro X將加入360° VR 影片剪輯功能

咁靚嘅畫質,如果身邊有個會拍片同識剪片嘅男朋友,紀錄低你哋生活點點滴滴,呢份聖誕禮物絕對超值!

by HY

將唔同長短角度嘅影片剪輯成一件完成品,係十分艱難同費時嘅事。你有冇諗過,依家喺網上或者電視睇到嘅影片,其實大部分都係來自Apple影片剪輯軟件Final Cut Pro嘅製作?今日Apple就宣佈,Final Cut Pro X將會作出重大更新,其中一項最吸引嘅內容,就係引入360° VR 影片剪輯功能,令剪接師可以親歷其境,剪出更出色嘅作品。

apple-final-cut-pro-x-latest-version

為咗配合Apple同日發佈嘅地表最強(同埋售價最高!)電腦iMac Pro嘅配備,Final Cut Pro X嘅效能亦都大大提升。用戶可以利用360° VR 影片剪輯功能輸入、剪輯和傳送 360° VR 影片,製作 VR 內容。只需要連接配備 SteamVR 的 HTC VIVE 頭戴式裝置,就可以即時預覽內容。剪接師戴上VR,就可以擁有同Cameramen視角,感覺更加真實,成品亦都更高質。

除咗360° VR 影片剪輯功能,用戶都可以輕鬆加入 360° 的 2D 或 3D 字幕,仲有模糊、光暈等等特效,令影片藝術感大大提升。Final Cut Pro 嘅配套 app:Motion 與 Compressor 亦都支援 360° VR 功能,十分全面。

apple-final-cut-pro-x-latest-version

新版Final Cut Pro X另外一個吸引之處就係專業色彩調校工具。每一秒每一個鏡頭都可以利用工具作出極精細的微調,光亮嘅地方可以更光亮,黑暗嘅地方可以再黑暗,或者較咗你都未必知,總言之就係Pro!

 

咁靚嘅畫質,如果身邊有個會拍片同識剪片嘅男朋友,紀錄低你哋生活點點滴滴,呢份$2,288 (新版Final Cut Pro X) 嘅聖誕禮物絕對超值!

LOAD MORE