editing

2019新年送禮之選!豬年4大節慶限量版香檳討長輩歡心

2019新年送禮之選!豬年4大節慶限量版香檳討長輩歡心

去親友屋企拜年,除了必備的賀年糕點新年禮盒外,酒品也是一大好選擇!今時今日好多長輩鍾意飲香檳。以下呢啲為人所熟嘅香檳品牌紛紛推出節日限量精裝版,送禮或自用收藏亦得,唔知你又好唔好彩買得到呢?


1. Moët & Chandon向法式優雅藝術致敬

新年送禮之選,Moët & Chandon必定榜上有名!

新年送禮之選,Moët & Chandon必定榜上有名!呢款派對必備嘅香檳大家一定見慣見熟。最新Tribute to French Art-de-Vivre限量設計匯集多個巴黎珍貴地標同一啲對品牌具有特殊意義的圖案,例如酒瓶標籤正中心係19世紀初於埃佩爾奈(Epernay)建造嘅橘園美術館(Orangerie),象徵品牌待客至誠的傳統理念。另外都唔少得其他標誌,例如香檳塔、凱旋門同艾菲爾鐵塔。香檳方面結構以黑皮諾為主,並帶有莫尼耶的口感和夏多內的清新,延續獨特風格。

 

2. Berry Bros. & Rudd玩味調皮香檳滋味

另一新年送禮的香檳推介,是英國歷史最悠久的葡萄酒及烈酒商Berry Bros. & Rudd

另一新年送禮的香檳推介,是英國歷史最悠久的葡萄酒及烈酒商Berry Bros. & Rudd,今年有瓶裝限量版香檳 Champagne Thiénot Brut Magnum Limited Edition。矚目迷人的瓶身設計出自著名巴黎塗鴉藝術家Speedy Graphito的手筆,這款香檳以來自蘭斯山地區自然公園的葡萄精心釀造,口感圓潤,入口清新,巧妙糅合上乘品質與藝術創意。

售價:$625

 

3. Perrier-Jouwt彰顯時尚都會之美

巴黎之花Perrier-Jouët嘅香檳瓶身設計優美兼具設計感。

巴黎之花Perrier-Jouët嘅香檳瓶身設計優美兼具設計感。品牌於2017年開始,每年亦會以「回歸自然」為主題,推出以城市風景為本的精裝禮盒。繼邁阿密,品牌選擇以東京為主題城巿,將和式藝術、自然及傳統文化禮儀品味都體現喺經典Perrier-Jouët Grand Brut cuvée 的豪華限量版禮盒之上。

售價:$425

 

4. Mumm Grand 千載難逢的太空旅程體驗

第一款可以喺太空中品嚐嘅香檳。呢款香檳雖然暫時未有得試,但為慶祝佢嘅面世,品牌將會舉辦一次幸運大抽獎

經過三年研究同實驗,瑪姆香檳開發了Mumm Grand Cordon Stellar,第一款可以喺太空中品嚐嘅香檳。呢款香檳雖然暫時未有得試,但為慶祝佢嘅面世,品牌將會舉辦一次幸運大抽獎。由即日至1月23日,現凡於百佳或惠康超市購買瓶裝Mumm Grand Cordon香檳節日裝,都將自動入選參加「The Golden Ticket: 零重力香檳體驗大抽獎」,幸運兒將會獲得一次零重力的香檳體驗,深入法國波爾多的Novespace基地兩晚,體驗無重飛行感受(價值歐元17,500)。

售價:$425

 

LOAD MORE