feature

聖誕節2018🎁$300以下聖誕禮物推介!食得玩得呃like亦得!

聖誕節2018🎁$300以下聖誕禮物推介!食得玩得呃like亦得!

每逢聖誕,各圈子朋友又係時候定下交換聖誕禮物的準則及條件!今年你和朋友的交換禮物主題會是什麼?好玩?實用?食得?打卡之選?無論係以上邊一種,呢篇聖誕禮物推介應該能滿足你需要!


聖誕禮物推介1. homeless 鱷魚頭零食盒 HK$195

裡面可以擺放零食小物及飲品,仲配有小帶子可以hand carry

太好笑啦!呢走鱷魚頭零食盒簡直笑死小編!裡面可以擺放零食小物及飲品,仲配有小帶子可以hand carry,絕對適合郊遊野餐一族!抽中呢份禮物的人一定會哭笑不得,但又肯定唔會同人撞款,更可以呃like!

 

聖誕禮物推介2. NATIVE UNION KEY CABLE HK$250

其實佢仲係USB Cable,可以接駁手機同portable charger充電

搵緊情侶禮物的朋友注意,唔好以為呢條係簡單的鎖匙扣,其實佢仲係USB Cable,可以接駁手機同portable charger充電,一物二用,唔需要額外帶多條線出街。呢款Key Cable 更有多色選擇,小編就看中這對色調,同男朋友一人一條,「扣」實對方,夠晒sweet! 最正之處是,NATIVE UNION 的cable 線可享永久保養,就好似你同另一半咁可以一生一世,長長久久!

 

聖誕禮物推介3. Franfranc Disney 芝士/朱古力火鍋用品 HK$240

Size 大約 12cm直徑,一人或二人用餐最適合不過。

身邊有沒有芝士火鍋控或朱古力fans?如果有,呢款Disney 芝士/朱古力火鍋用品就好適合朋友仔!Size 大約 12cm直徑,一人或二人用餐最適合不過。如果budget 多DD,一於買夠一對,一個做芝士火鍋,一個做朱古力火鍋,聖誕、冬天宅在家二人世界,食住暖笠笠的聖誕大餐,好過出去同人迫!

聖誕禮物推介4. LOGON Hello Kitty空氣清新機 HK$238

只需駁上USB即可運作,而且體積輕巧,放在office 不會嘥位

空氣清新機通街都有,但 Hello Kitty款式買少見少!LOGON 呢款小型Hello Kitty空氣清新機 ,只需駁上USB即可運作,而且體積輕巧,放在office 不會嘥位。另外更可調較至燈光模式,入睡時使用會有微光,為睡房加添一點點情調!

聖誕禮物推介5. Sugarfina® x Sanrio 禮盒 $298

自選3個Sanrio® 角色,以薑餅屋小火車禮盒盛載

奢華精品糖果店Sugarfina® 跟 Sanrio® 聯乘推出家族各成員為主題的Candy Bento Box 糖果禮盒,大家可以單個購買($88),又或者自選3個Sanrio® 角色,以薑餅屋小火車禮盒盛載,無論是男友送給女友,抑或你送給閨密,咁甜蜜可愛,實受歡迎!

Hello Kitty® Bow 2件裝糖果禮盒

另備有「Hello Kitty® Bow 2件裝糖果禮盒」($228),都係budget以內之選!

另備有「Hello Kitty® Bow 2件裝糖果禮盒」($228),都係budget以內之選!

 

聖誕禮物推介6. Starbucks咖啡渣潔手套裝HK$248

商品收入扣除成本將全數撥捐雲耕一族,支持本地耕作的發展

一向支持環保同做開善事的你,今個聖誕節一定要留意Starbucks推出咖啡渣潔手套裝,利用從分店收集的咖啡渣,製作洗手液及手工皂,為咖啡渣賦予新生命!每份套裝均包括一支以咖啡渣製作的洗手液及一個咖啡渣手工皂,洗手液以酷亮的金屬瓶包裝,唔洗禮物紙已經好得體!商品收入扣除成本將全數撥捐雲耕一族,支持本地耕作的發展,非常有意義,最適合送給愛飲咖啡的朋友!

如果想focus揀護膚品做聖誕禮物,可以參考呢篇聖誕套裝! 

聖誕禮物推介7. Starbucks冬日隨行杯 低至HK$150

【聖誕節2018】$300以下聖誕禮物推介!食得玩得呃like亦得!

雖然話送杯做聖誕禮物好頹,但送Starbucks杯就唔同講法!因為office裡10個有8個同事都係用Starbucks 杯!今年聖誕節,更有一系列以冬日為主題的商品,有成43款咁多!抽中呢份禮物實有用!(按此參考詳細價錢。)

聖誕禮物推介8. Pacific Coffee 2019 年月曆 $52

聖誕節2018🎁$300以下聖誕禮物推介!食得玩得呃like亦得!

Pacific Coffee 2019 年月曆以呈現地道香港為主題,每個月份都以插畫介紹了香港其中一種獨有文化,送俾外國朋友實鍾意。每套不但有每月優惠券(總值超過$300),每售出
一個月曆,Pacific Coffee 便會向香港救助兒童會捐出$10,實用之餘又可做善事!

LOAD MORE