feature

聖誕節2018🎉聖誕Party玩咩好?5個必玩聖誕遊戲幫你炒熱派對氣氛!

聖誕節2018🎉聖誕Party玩咩好?5個必玩聖誕遊戲幫你炒熱派對氣氛!

臨近年尾,即係代表今年好快就告一段落,都係意味著聖誕節好快就到啦!聖誕節除咗一定要去睇商場裝飾同食聖誕大餐之外,當然唔少得約埋班friend開返個狂歡派對啦!但係點先可以炒熱派對氣呢?究竟係交換禮物定係食火雞呢?梗係一齊玩啲刺激又健康又好玩又有聖誕主題嘅遊戲啦!

by COSMO

必玩聖誕Party遊戲一:Shake The Bell

【聖誕節 2018】聖誕Party玩咩好?5個必玩聖誕遊戲幫你炒熱派對氣氛!

分兩隊進行,每隊派出一個參賽者並戴上腰帶。腰帶上面繫有一個裝滿聖誕小吊鈴嘅紙巾盒,參賽者需要搖動身體,令紙巾盒入面嘅小吊鈴全部跌出紙巾盒外。最快嘅參賽者為之勝出!

雖然呢個遊戲看似好簡單,但參賽者係需要不斷搖動身體各部份先可以令小吊鈴跌出盒外,隨時有機會要趴喺度甚至踎喺度。參賽者趣怪嘅肢體動作加上搖動小吊鈴「啷啷」嘅聲音,一定可以令全場氣氛高漲!

所需材料:

腰帶 X 2條

空紙巾盒 X 2個

聖誕小吊鈴 X 20個

膠紙 X 1卷

必玩聖誕Party遊戲二:吹聖誕卡

【聖誕節 2018】聖誕Party玩咩好?5個必玩聖誕遊戲幫你炒熱派對氣氛!

要有聖誕氣氛聖誕主題又點少得聖誕卡?但係究竟點樣用聖誕卡玩遊戲?玩法好簡單,同第一個game一樣分成兩組,每組派出一個代表鬥快將聖誕卡由枱嘅一端用口吹到枱嘅另一端,然後將聖誕卡卡住喺枱邊。最快完成者為之勝出!

要做到聖誕卡唔喺枱嘅另一端跌落地其實好難㗎!一個唔小心大力咗就會吹走張聖誕卡㗎啦!

所需材料:

聖誕卡 X 2張

長枱 X 1張

 

必玩聖誕Party遊戲三:載滿聖誕襪

【聖誕節 2018】聖誕Party玩咩好?5個必玩聖誕遊戲幫你炒熱派對氣氛!

分隊進行,每隊派出兩個參賽者,一個負責拋一個負責接。負責拋嗰個人要嘗試將兵乓波彈地再投入聖誕襪入面,而負責接嗰個人就要嘗試用聖誕襪去接。挑戰時間為一分鐘,接到最多兵乓波嗰隊為之贏。

記住要買多啲兵乓波,因為玩起上嚟真係會係咁掟,掟到啲波周圍都係!

所需材料:

兵乓波 X 1大樽

聖誕襪 X 1隻

 

必玩聖誕Party遊戲四:聖誕士的吊臂機

【聖誕節 2018】聖誕Party玩咩好?5個必玩聖誕遊戲幫你炒熱派對氣氛!

玩完啲需要瘋狂郁動嘅遊戲,不如玩返啲需要手眼協調靜態少少嘅遊戲。參賽者需要用一條連著用聖誕士嘅繩吊起瞓低咗玻璃樽,最快者為之勝出。

一樣係一個望落去超簡單,但實行起上嚟超難嘅遊戲。呢個遊戲講求精準嘅力度同手眼嘅協調,一個大力咗就會失敗㗎啦!

所需材料:

聖誕士的糖 X 1枝

繩 X 1卷

空玻璃樽 X 1個

 

必玩聖誕Party遊戲五:紅綠踩波波

【聖誕節 2018】聖誕Party玩咩好?5個必玩聖誕遊戲幫你炒熱派對氣氛!

終極炒熱氣氛嘅遊戲又點少得傳統踩波波遊戲!呢個遊戲相信大家都唔陌生,分成兩組然後每個人腳上面都綁上3個吹脹咗嘅氣球,目標係要令對面組所有氣球爆哂。所以喺主動去踩爆對面組嘅氣球同時都要保護自己嘅氣球唔好比人踩。

如果想增加聖誕氣氛,可以考慮淨係買紅色同綠色嘅波波。

所需材料:

氣球 X 2包

橡筋 X 1包

圖片來源:Outscord

LOAD MORE