係咪要講多謝㗎?又來到交換聖誕垃圾嘅時候

係咪要講多謝㗎?又來到交換聖誕垃圾嘅時候

其實大部分嘅聖誕禮物都係垃圾,到底歷年來有乜聖誕垃圾?

by 二弟

又到聖誕,又到聖誕!又到聖誕,即係要買禮物啦!買禮物畀另一半,又要買禮物去party交換,只不過,其實大部分嘅聖誕禮物都係垃圾,到底歷年來有乜聖誕垃圾?一齊等我二弟幫大家數臭佢地啦!(話明聖誕垃圾,其實唔駛數,唔臭都會吽臭啦!)

1.聖誕水晶球

christmas-trash-gift

老實講,水晶球係勁嘅,如果真係made by水晶,或者有法力。如果唔係,果啲入面係假雪、有個雪人唔知做乜嘅聖誕水晶球,又驚跌爛,又唔知有乜用,最多用嚟做下紙鎮,真係垃圾都不如。

2.聖誕卡

christmas-trash-gift

聖誕卡好明顯係前朝產物,細細個交換,又或者你細到連細細個都未試過交換。家陣電子世代,send e-card啦,但其實一樣唔會睇。當然好欣賞仲有人願意手寫聖誕卡,但老實講,真係冇乜用囉!

3.自製禮物

christmas-trash-gift

同聖誕卡一樣,其實自製禮物都真係冇乜用,除非你巧手到可以整到一啲拎佢賣嘅禮物,否則其實心思滿分,實用零分。

4.old school禮物(相架、杯墊、鎖匙扣)

christmas-trash-gift

垃圾!無論呢份禮物,抑或送禮人,都係垃圾。垃圾在無心思,個個都送相架杯墊鎖匙扣,唔通個個都送相架杯墊鎖匙扣咩?相架,我今年收咗三個,杯墊我收咗一打,鎖匙扣就歐洲各國都有一件,聖誕仲逼我收呢啲?

5.聖誕裝束

christmas-trash-gift

聖誕歌只有喺聖誕先唱,咁聖誕禮物係咪只係聖誕先可以用?你寫住Merry Christmas,咁我一年365日除咗聖誕果輪之外,又點可以用呢?又或者,唔通平日無啦啦帶頂聖誕老人帽出街咩?聖誕裝束,聖誕only,作為一份禮物,實在太垃圾喇。

6.有年份的禮物

christmas-trash-gift

同「聖誕」禮物一樣啦,寫明邊個年份咁有紀念性,你叫人仲點拎出街?即係等於果啲email寫住hellokitty1997@xxx.com,做乜咁想話畀人知你幾時出世je,又或者做乜要紀念果個年份je,明知年份係女人嘅大忌嚟架嘛,哼!

7.錯size衣物

christmas-trash-gift

聖誕party,除咗係咁飲飲食食狂歡之外,少不免要交換禮物。又,其實,尤其好多男人,都好鬼求其買份禮物,然後唔理收禮果個人嘅感受。大佬,你既然唔知邊個抽到份禮物,就唔好買啲有size嘅禮物啦,我咁slim就話仲可以當係boyfriend size je,你叫我隔嚟果個肥妹抽到件細碼,點算好喇?激勵佢新一年減肥著得落咩!

8.性玩具

christmas-trash-gift

世上總係有啲人古老當時興,白痴當好玩,聖誕節特別鍾意送condom呀、按摩棒之類,擺明有性暗示之餘,又驚畀人話#metoo,但大姐我真係要用嘅,駛鬼你送咩。最弊就係啲人要送之餘又要慳錢,揀埋啲大陸製劣質產品,你叫我點用得落?己所不欲,勿施於人呀,施主!

LOAD MORE