【中秋節做節必備電影】經典港產片推介,賞月煲劇同時進行!
中秋節注重一家人團聚,共享時光!但一大班人圍埋食飯、賞月,怕無話題,不妨開個Netflix,睇睇有咩適合「電視撈飯」~呢期大量經典港產片,邊睇邊同屋企人傾劇情,就唔怕食飯做節會悶啦!以下六套經典港產片,你又打算揀邊套同你過中秋?

《審死官》首映於1992年,是與《九品芝麻官》相似的官場戲。它不算是最為人所熟悉的周星馳電影,但笑料依然抵死非常,更有梅豔芳、吳孟達的強力加持,因此我們建議唔好食飯睇,浪費食物就唔好啦。

中秋節做節必備電影 #2 《無味神探》
想令做節討論更熱烈,當然要揀燒腦片!「現實比小說離奇。」有時候再精彩的劇本也不及真人真事來得意想不到,角色亦因而更加有說服力。陳思祺,1992 年擔任高級督察,在大角咀搜索疑犯期間頭部中槍,痊癒後從此失去味覺和嗅覺。然而,意外未有打撃這位年輕督察的意志,他繼續在警界屢破奇案,因而有「無味神探」的稱號。
1995 年,杜琪峰將事件改編為電影《無味神探》,由劉青雲飾演阿海,阿海的角色原型就正正是神探陳思祺。電影透過阿海的故事帶出有些感覺遠超我們五覺所及,例如:愛。

中秋節做節必備電影 #3 《無間道》
講起經典港產片,點可以唔提揚威海外,連荷里活都要翻拍的《無間道》?《無間道》的威水史要數真係數到口乾:精煉不冗長的對白、意想不到的劇情、深邃立體的角色描繪.....套戲上咗都就嚟第六個三年,但只要有臥底的港產片,唔知點解都要上天台見面。但,你又知唔知道這部香港電影在國際間的影響力?

2003年,有五家美國電影公司都希望購買《無間道》的重拍版權,最後競標由華納電影公司贏出。2006 年,荷里活電影大師 Martin Scorsese 將故事翻拍成《無間道風雲》,囊括當年奧斯卡四項大獎,當中包括最佳電影、最佳導演、最佳改編劇本及最佳剪接,足見這部香港電影對全球觀眾的影響力。