feature

維園年宵2019🐷必買吸睛創意商品一覽!

維園年宵2019🐷必買吸睛創意商品一覽!

下星期就到農曆新年啦,唔知大家準備好年貨未呢?除咗介紹新年嘅商場擺設團年飯餐廳推介之外,當然唔少得年宵啦!因為一年一度嘅年宵開鑼啦,小編決定一次過話你知今年維園年宵有咩創意吸睛商品,咁就唔使周圍搵啦!


1.winwinwindows (維園225號檔)

講到創意商品一定要提winwinwindows,呢個用Windows桌面做包裝嘅開心發財套裝其實係遊戲套裝!入面包括有踩地雷 x 賭具布、骰盅、魚蝦蟹骰仔、數字骰仔同經典接龍啤牌,全部都係新年必玩嘅遊戲,加埋個PC機箱包裝又點可以唔帶佢返屋企!

除咗開心發財套裝之外,仲有呢個一SET三款嘅Window文件夾,用嚟裝住份$4000申請表就最啱啦!

仲有一套三款嘅得意襪仔,分別有「你係垃圾!」、「我夠秤18歲」同「載入中」三款!

2. Draw 銀住晒 (維園27+28號檔)

維園年宵2019🐷必買吸睛創意商品一覽!

Draw 銀住晒係由4位插畫家聯手開嘅攤檔,分別係Plastic Thing、東尼電機、DDED,同Galaman!4位插畫家都係走搞笑路線,唔知坐埋一齊會有咩火花呢?

重點推介當然係呢部「跪完機」,聽講買齊指定商品就可以使用「跪完機」同申請「提銀卡」,淨係見到條片,小編已經好想同「跪完機」瘋狂提款啦!

唔知有冇機會草齊一套四張嘅「提銀卡」呢?仲有DRAW銀住利是封同 DRAW銀住銀,咁就可以用嚟封利是啦!

3. 鐵皮工作室 Iron workshop(維園59號檔)

又吸睛又有創意嘅商品又點止得兩檔咁簡單?鐵皮工作室嘅搞鬼鐵皮揮春都係必買之選!紙揮春就話轉頭就爛,鐵皮唔會啦掛,包你擺足幾年都冇問題!

除咗揮春之外其實仲有好多選擇,全部都係係鐵皮製造,真係硬過你條頸!

4. 毛記(維園335+356號檔)

維園年宵2019🐷必買吸睛創意商品一覽!

又點少得每年都創意爆登燈瞪櫈嘅毛記呢?今年佢哋大玩長輩圖,強勢推出廿一世紀高科技賀年單品:長輩圖3D!

 

維園年宵2019🐷必買吸睛創意商品一覽!

仲要有四款,快啲買個返去送俾你屋企親愛嘅長輩啦,叫佢以後唔好再用2D長輩圖啦!

 

5. 啱Channel(維園56+57號檔)

維園年宵2019🐷必買吸睛創意商品一覽!

如果你係新年唔賭唔安樂嘅話,記住去買返套「開運人工賭」!見到用秦沛「你大我呀」嚟做賭注布就好想帶佢返屋企!啱Channel溫馨小提示:沉迷賭博等於賭錢落海!

 

維園年宵2019🐷必買吸睛創意商品一覽!

仲有「港豬Oh」利是封,新年收到麻甩嘅豬豬利是封一定發過豬頭呀!

 

6. 乘大士多(維園220號檔)

如果你係年宵唔買公仔唔安樂嘅人,咁乘大士多應該可以幫到你!佢哋專賣超巨型嘅士多商品公仔,唔知呢粒巨型「唔洗做 有錢收」嘅白兔糖你又like唔like呢?

除咗白兔糖之外,仲有巨型麥精同他媽歌池,今個新年一於攬住佢哋過肥年啦!

LOAD MORE