嚟到十一月大家有冇已經開始聽聖誕歌先？見到周圍嘅店舖開始售賣聖誕限定產品同套裝，商場又陸陸續續換上聖誕裝飾，聖誕氣氛真係愈嚟愈重！咁快就到到聖誕節，Sanrio嘅家族成員CK鼠都決定要同大家慶祝聖誕節！COROCOROKURIRIN聖誕「家」年華將會有88隻CK鼠坐鎮，一齊嚟睇吓仲有咩打卡位啦！
登入 瀏覽本網站，可獲取積分換領專屬優惠
點擊查看專屬優惠
玩轉聖誕「家」年華打卡位一：奔Fun動『滾』花輪
嚟到聖誕家庭派對，當然唔少得睇吓充滿聖誕氣氛嘅家居佈置啦！創意爆燈嘅CK鼠居然將聖誕花環同滾輪二合為一，創造出呢個高4米、光芒閃爍嘅巨型「奔Fun動『滾』花輪」！
地點：希爾頓中心地下大堂
玩轉聖誕「家」年華打卡位二：爬爬聖誕樹『鼠』滑梯
為配合節日氛圍，CK鼠用聖誕樹嚟起咗一個「爬爬聖誕樹『鼠』滑梯」，並將禮物放喺滑！旁邊仲設有一個糖果搖搖板，睇嚟一場搖搖大戰即將發生，你準備好未？
地點：希爾頓中心地下大堂
玩轉聖誕「家」年華打卡位三：躲貓貓禮物山洞
CK鼠最鐘意捐窿捐罅找嘢玩，所以決定將唔同形狀、大小、花色嘅禮物盒精心排列重組，創造咗呢個躲貓貓天堂！一班頭戴派對帽的Pantsu仲會喺禮物入面跳出嚟，同你一齊玩！
地點：希爾頓中心地下大堂
玩轉聖誕「家」年華打卡位四：聖誕萌宅門
穿過前院嘅遊樂場，就可見到精心佈置嘅鼠宅大門。聖誕樹、禮物盒、紅綠彩帶、花環吊飾，洋溢住節日氣息，但最可愛嘅都係蘋果形狀嘅窗框，快啲同CK鼠同一班朋友仔入屋狂歡啦！
地點：希爾頓中心L3大堂
玩轉聖誕「家」年華打卡位五：軟綿綿HOME-MADE 美味派對
CK鼠為咗多謝你嘅幫忙，特別破例帶你參觀佢嘅睡房，原來小萌員喺度舉行緊一場美味派對，將床化身成巨型糖果池，等你跳進池中，嚟一場甜蜜枕頭大戰！
地點：好運中心L3-69號舖．好順福購物中心37Ｆ舖
玩轉聖誕「家」年華打卡位六：一家甜聚泡糖果溫泉籃
玩完一日，CK鼠超體貼咁帶你去到「一家甜聚泡糖果溫泉籃」，走入巨型竹籃再加入唔同種類同功效嘅糖果，呢個「甜湯」真係sweet爆呀！
地點：粉嶺名都商場L2大堂
玩轉聖誕「家」年華打卡位七：動感滾輪聖誕賞
只要喺限時內將彩色波波投入輪上嘅指定顏色圓圈，即可贏得限量CK鼠聖誕造型禮品乙份，考你眼界同準繩度呢，加油！
地點：希爾頓中心L3大堂、好運中心L3-68號舖及粉嶺名都商場L2大堂
立即訂閱接收Cosmo最新潮流資訊
訂閱電子報，時刻掌握生活資訊！