feature

【行山打卡】行住山影情侶相!究竟點影先最吸睛最閃?

【行山打卡】行住山影情侶相!究竟點影先最吸睛最閃?

呢排秋風起天氣開始轉涼,有啲風得嚟又唔太熱,相信唔少朋友仔都會心郁郁想行山!行山除咗可以郁吓做吓運動之外,當然唔少得就係影相打卡啦!遠離繁忙嘅鬧市同高樓大廈,香港嘅郊境其實都好靚!如果係情侶去行山,更加可以影sweet爆閃爆嘅情侶相!唔知點影點擺甫士唔緊要,呢4個情侶IG Account一定幫到你!


zachary_lcm

秋風起相信唔少人都會去影芒草,眼見滿山遍野嘅芒草的確係好壯觀嘅!眼望就靚啦,但係情侶相點影先靚?如果唔嫌麻煩嘅朋友仔,可以攞埋汽球去做道具。氣球唔洗用氫氣嘅,上到山上大風一吹,再揮動氣球,就會拍得出氣球漂浮嘅感覺,試多幾次就會影到㗎啦!氣球加埋飄逸嘅芒草影出嚟真係好靚㗎!

lezlebric

行山影相唔一定要影日景嘅,影夜景都一樣好靚。夜景嘅情侶照一樣可以曬死人,好似Eric同Virgina咁坐喺山上面俯瞰香港夜景,一個吻加一個心,加埋個夜景,構圖一流!

好多低調嘅情侶都會覺得攬攬錫錫嘅相會over咗,如果唔想出樣都無問題,影後一樣work!女仔小鳥依人咁依靠喺男朋友膊頭,男仔在單手攬住女仔,簡單嘅動作襯埋個靚景,放閃一樣冇難度!

就算行山無wow一聲嘅靚景一樣無問題!就算冇pro相機都無問題!搵笪草地嚟張全身照再加一個輕輕頭貼頭,唔洗超專業嘅拍攝技巧一樣影到sweet爆情侶照!

zenithsphere

如果男仔唔鍾意出鏡嘅,不如嚟個男友視覺系列。zenithsphere呢個account就正正係一個好例子,唔知唔洗出樣,用男友視覺影出女朋友嘅美態。

除咗靚靚嘅表情,有時捕捉女朋友得意搞鬼嘅表情都可能會有意想不到嘅效果㗎!你睇吓呢張幾可愛!

harimaolee

坐擁14萬粉絲嘅Harimao嘅作品都超級有feel,自問拍攝技巧高超嘅朋友仔都可以參考吓佢拍情侶相嘅idea。除咗之前講嘅氣球之外,燈串到係好好嘅道具!情侶被燈串圍住再配埋夜景,唔需要超級肉麻嘅動作已經可以拍出構圖好靚嘅情侶相!

LOAD MORE