【中秋節月餅推介】放棄奶黃月餅吧！有創意、有心意，更健康的月餅選擇
奶黃月餅全城瘋搶，仲未到農歷八月十五，距離中秋節還要一個多月，就已經賣晒！當中以美心流心奶黃月餅，同半島酒店嘉麟樓的奶黃月餅，最為引人注目。除咗呢兩間大熱選擇，想食月餅仲有咩揀？當然，香港酒店咁多，想買月餅仲有好多間揀！如果想試有創意、特色，或者心意滿分的月餅，又有咩選擇？
#外觀100分 Häagen-Dazs彩花盈月雪糕月餅
雪糕月餅唔係新鮮，但Häagen-Dazs呢款彩花盈月禮盒，每個月餅都攞足100分！一盒九個月餅分成五種不同顏色的玫瑰花，每一朵玫瑰均以精雕細琢的朱古力皮製成！中間特別大件的「盈月」，更用了福岡甜王雪果為餡，搭配經典士多啤梨雪糕，就算唔係中秋節都想食！
INFO
Häagen-Dazs
彩花盈月雪糕月餅，港幣778元。
Häagen-Dazs X Line Friends雪糕月餅，港幣278元。（網上限定）
網址：http://eshop.haagendazs-gifting.hk/
#將夜空帶回家 K11 限量「月。夜光」月餅禮盒
中秋節其中一樣必做活動就係賞月！月亮一年之中最圓最光的一刻，都唔及K11推出的「月。夜光」月餅禮盒！以推廣設計的重任的K11，推出月餅禮盒的心思，當然都花了在包裝之上。以精緻紙雕配合夜光印刷，把月餅盒放在漆黑之中就可以看到點點星光！月餅方面，則是兩款月餅王者，雙黃白蓮蓉及蛋黃奶黃月，送給長輩也一樣啱食又大體。
INFO
K11 Design Store
限量「月。夜光」月餅禮盒，港幣438元。
地址：尖沙咀河內道18 號 K11一樓 105, 110 及 111 號鋪
電話:3110 5898
網頁:www.k11designstore.com
電郵:enquiry@k11designstore.com
#媽媽的心意 Deluxe海藻糖月餅
成日話一個月餅等於幾多碗飯，想食又怕肥點算好？由兩女之母主理Deluxe Bakery，就將健康擺在第一位，以有食物界「護膚品」之稱的海藻糖，作為月餅主要材料，製造出健康又美味的奶黃月餅！海藻糖係天然糖類，只有普通白糖的四分一甜度，加上其非晶質糖特性，食得健康之餘，亦可增加月餅酥脆感！
#貓奴最愛 貓部Nekobu香港限定月餅
貓咪同中秋節有咩關係？答案係⋯⋯無！不過對於一眾貓奴來說，加了主子模樣的一切單品，也欠缺抵抗力！雖然如此，但不要以為這次貓部（Nekobu ）推出的貓咪主題月餅，只有外貌！兩款月餅分別是西式曲奇皮奶黃月餅及山園抹茶配十勝紅豆的「宇治」月餅，兩種口味新鮮感十足，就算不是貓奴，也很難say no！
#藝術感滿分 Van Gogh Senses「花好月圓」月餅禮盒
對月餅盒印象還停留在老餅鐵罐年代？現在月餅包裝可是一間比一間靚！由Van Gogh Senses推出的「花好月圓」月餅禮盒，就用上了梵高經典名畫《向日葵》包裝，光是外盒就極具收藏價值！另外，貼心的禮盒內更附上了六包獨立包裝、 不含咖啡因的馥郁茶包，在賞月同時品茶歎月餅。
#年度創意之選 Lady M星空水晶球月餅禮盒
對於追求精美度的你，Lady M推出的月餅禮盒一定在你入手清單的首位！繼去年的燈籠月餅後，今年再帶來華麗的水晶球，以小盒砌出紐約都市景觀，只需將禮盒底部的電源打開，星空圖案便即亮起燈光。而主角迷你奶黃月餅，就隱身於其中四個小盒之內，這個包裝，食完也捨不得掉啊！
#趣緻貓咪 DK Cuppa Tea x Lia’s Bakery冰皮流心奶黃月餅
流心奶黃月餅搶盡風頭，早年的熱門產品冰皮月餅好似無咩「聲氣」。DK Cuppa Tea x Lia’s Bakery推出的冰皮流心奶黃月餅就同時滿足兩邊fans，既有味道濃郁的自家製奶黃餡，也有以天然食材調色的冰皮。最重要是，月餅有多種造型，除了印花款芒果流心口味和、造型款玫瑰流心口味，更有製成得意貓咪頭的造型月餅，貓奴必愛！
INFO
DK Cuppa Tea x Lia’s Bakery
手作冰皮流心月餅（4個裝/6個裝/8個裝），港幣298/ 398/ 498元。
網址：http://shop.aroma.com.hk/
感謝閣下訂閱Cosmo電子報。
閣下將收到一封電郵確認，謝謝支持！
閣下已註冊Cosmo電子報，請按下註冊電郵上的連結，以激活閣下的帳號。
如果未收到註冊電郵，請按此重發。
閣下已曾註冊Cosmo電子報，請前往設定更改閣下的訂閱選擇。
據系統顯示，閣下為CosMart會員；如想訂閱Cosmo電子報，請前往CosMart後台設定 - 接收電郵設定更改閣下的訂閱選擇。
