「夢想花園冬日市集」盡情享樂
夢想花園搖身一變成爲充滿節日氣氛嘅雪亮市集，仲特別準備咗各款造型精緻嘅聖誕美食特飲同節日商品。配上周邊巨型嘅聖誕裝飾同浪漫飄雪，簡直令市集每個角落都充滿濃厚嘅聖誕氣氛！
參加「米奇與好友聖誕舞會」
米奇與一班迪士尼朋友誠邀你哋參加「米奇與好友聖誕舞會」，玩轉呢場滿載歌聲同歡樂嘅冬日派對！20分鐘嘅慶祝舞會除咗包含咗精彩嘅現場四重唱、 舞蹈同音樂之外，一班迪士尼朋友將會換上聖誕服同賓客一齊唱歌跳舞！聖誕舞會仲有特別嘉賓：Duffy、ShellieMay、Gelatoni 同 StellaLou 邀請 咗新朋友 Cookie 參與盛會，千祈唔好錯過佢嘅亮相呀！
「聖誕飄雪時刻」+「夢想成真聖誕樹亮燈禮」
聖誕節又點可以無聖誕樹？全新高 18 米嘅聖誕樹掛滿bling bling嘅裝飾同LED 燈，場面超震撼！除咗大型聖誕樹，香港迪士尼仲準備咗「聖誕飄雪時刻」及「夢想成真聖誕樹亮燈禮」迎接聖誕，聖誕樹加埋飄雪真係好浪漫呀，記住帶埋摯愛同你一齊分享呢個咁magical嘅時刻！
迪士尼朋友換上聖誕服飾同你慶祝聖誕
所有迪士尼朋友在都已經換上紅紅綠綠嘅聖誕服裝啦！ Duffy、 ShellieMay、Gelatoni、StellaLou 同 Cookie 仲會穿上全新嘅冬日服裝，喺小鎮廣場同美國小鎮大街嘅不同角落出現， 仲唔快啲嚟捕捉佢哋嘅蹤影？
記住搵埋喺會客室嘅聖誕高飛，和於會客室外派發嘅全新設計珍藏明信片！喺明信片上寫上祝福，蓋上特別紀念嘅郵戳，就可以免費寄俾世界各地嘅親友，將聖誕喜悅分享到全世界！
「We Love Mickey!」 大街投影盛演
除咗歡度聖誕節之外，當然唔少得同米奇老鼠慶祝90週年啦！香港迪士尼在「米奇90派對盛事」以連串豐富活動為米奇慶祝生日，不得不提嘅係美國小鎮大街上演嘅「We Love Mickey!」 大街投影盛演（生日特別版），呢個生日特別版既投影show會一直上演到出年二月㗎！米奇同米妮更會盛裝打扮隆重登場！另外，入場賓客仲有機會獲得特別版生日貼紙， 數量有限，先到先得！
