feature

【周末好去處】自己啤酒自己整,DIY手工啤酒工作坊

【周末好去處】自己啤酒自己整,DIY手工啤酒工作坊

Weekend又點止訓覺行街睇戲影相食飯咁簡單!!!不妨搞搞新意思,過一個好玩得嚟又學到嘢嘅周末。一大班人食飯gathering一定係無酒不歡,點都要啤啤佢先至夠爽!啤酒你哋就飲得多,但係又知唔知到底啤酒入面有咩成份(嗱...我知一定有水嘅),又或者究竟啤酒係點整?要解答呢個問題最好嘅方法就係落手落腳自己整!小編今日就為大家介紹幾個唔同嘅DIY工作坊,有得飲有得玩之餘都學到嘢,一舉三得,正呀!!!


自釀啤酒工作坊

呢個3小時嘅入門課程輕鬆簡單!課程會為你準備好哂工具同材料,讓參加者可以落手落腳釀製啤酒。課程除咗會介紹釀製啤酒嘅基本資料同步驟(啤酒嘅四個基本材料 + 釀酒嘅六個steps),你仲有機會品嚐到世界各地不同風格嘅精釀啤酒!但係唔好以為即堂整嘅啤酒可以即堂飲,因為你仲要帶佢返屋企親手完成發酵同入樽嘅最後步驟。兩個星期之後,你親自釀製嘅新鮮啤酒就大功告成,可以叫埋一大班friend一齊飲嚕!

自釀啤酒工作坊資料

時段: 逢星期六下午三時至下午六時/逢星期日下午一時半至下午四時半 (12位或以上可安排在任何時間包堂)

地點:HK Brewcraft Central (中環閣麟街15號國麟大廈4樓)

費用:​1 位 - $1,280/2 位 - $1,980/3 位 - $2,580/4 位 - $3,200 (費用已包括一套價值$680的釀酒工具)

查詢:info@hkbrewcraft.com/ 5925 2739

詳情按此

 

蜂蜜酒入門課程

唔鍾意啤酒唔緊要,小編一樣有好介紹!呢個1小時嘅蜂蜜酒入門課程除咗學到關於蜂蜜酒嘅基本知識,仲可以將500毫升嘅蜂蜜酒帶返屋企。同啤酒工作坊一樣,又點會淨係釀酒咁簡單?除咗整酒,當然有得品嚐唔同風格嘅蜂蜜酒!

蜂蜜酒工作坊資料

時段: 每月兩次(詳情按此

地點:HK Brewcraft Central (中環閣麟街15號國麟大廈4樓)

費用:​每人$280/四人同行,每人$250

查詢:info@hkbrewcraft.com/ 5925 2739

詳情按此 

 

麥子啤酒工作坊

麥子嘅手工啤相信好多人都唔陌生,講起香港嘅手工啤,麥子都係數一數二!你或者會喺唔同餐廳飲過佢哋嘅啤酒,但你又知唔知原來有得自己整?麥子嘅啤酒工作坊會不定期舉行,對上果次麥子就整咗Cider,仲有得揀蘋果同水蜜桃口味添!

除咗工作坊,麥子其實都會搞beer tasting班!每班有六種口味嘅手工啤酒同唔同嘅小食提供,仲會教你點樣分辨手工啤酒嘅色、香、味、泡。不過無論係麥子工作坊定係beer tasting都係不定時舉行或者期間限定,如果想知下一場幾時搞記住留意佢哋嘅Facebook Page啦!

 

LOAD MORE