《Do姐有問題》盤點百變稱呼鄭裕玲究竟有幾多個花名?點解叫DoDo姐?

Do姐有問題》第2輯正式開播,Do姐鄭裕玲農夫陸永C君再一次合體,一齊做節目,發放笑彈!「兩隻嘢」最鍾意「玩」Do姐個名,而其實Do姐又真係有好多個花名,都係嗰句,人緣好先會俾人安咁多個花名啫!親民的Do姐,保持威嚴得黎,又開得玩笑,毫無架子,同後輩完全無代溝,三人互動極有默契。

By COSMO

1.點解叫DoDo?

別誤會Do姐的英文名是DoDo,原來這只是小時候暱稱。細個時,Do姐屋企鬧鐘會發出「嘟嘟」聲響,小朋友最喜愛模仿聲音,小Do姐也跟著「嘟嘟、嘟嘟」地叫,自此家人便叫她作「DoDo」。

長大後,加入演藝圈,「DoDo」個名又響又易記,所以大眾也叫她DoDo,隨住事業愈黎愈有成績,地位愈黎愈高,暱稱也要升格變做「Do姐」。

Do姐有問題 第3集請來袁文傑做嘉賓

2.Did Did姐

後生一輩同網民就鍾意叫Do姐做Did Did姐,皆因2015年播出的《Do姐去Shopping》,Do姐同黃翠如、農夫去全巴黎最大的古董市場尋寶,其中有間珠寶店除了售賣不少手工精細的首飾外,還展出了一些30、40年代明星佩帶過的珠寶。C君見狀,就話Do姐隨便戴一個,之後店主就可以向客人介紹:這是DoDo帶過的。豈料Do姐反擊:「DoDo你叫架咩?」,陸永在旁亦教訓C君,不可以直呼DoDo,要叫「Did Did」至岩,因為「Do Did Done」,DoDo的過去式要叫DidDid,突破盲腸,笑到觀眾碌地。「Did Did姐」也因此命名。

3. 農夫冇大冇細搞爛Gag 喪幫Do姐起花名

上一輯《Do姐有問題》,農夫每集都狂搞爛Gag,甚至每集介紹Do姐出場時,都「冇大冇細」用鄭裕玲名字食字起花名,連Do姐都笑埋一份!
最令人印象深刻的包括,全新主題樂園「鄭裕Land」、美食「鄭裕響玲」、電影「鄭裕兇玲」、職業「鄭裕玲媒」、健身「鄭裕啞玲」、動漫「鄭裕綾波麗」、特工「鄭裕玲玲七」、神婆「鄭裕顯玲」,笑位不斷。而陸永表示想飲Do姐調製的「Do屎咖啡」,更是爆笑。

4.真正英文名叫Carol

Do姐就讀英文教會中學德望學校,成績優異,英文了得,點可以冇個英文名傍下身。話說DoDo只是兒時暱稱,Do姐真正的英文名叫Carol,襯唔襯佢先?讀書時期,Do姐視美國華裔名記者宗毓華(Connie Chung)為偶像,曾夢想當新聞女主播,有諗過往美國讀新聞,可惜家庭狀況不容許。1975年,考入當時新成立的電視台佳藝電視藝員訓練班而入行。

5. 「鄭九組」見證Do姐全盛時期

Do姐貴為無綫電視四大「鎮台之寶」之一,是殿堂級及實力派演員、金牌司儀、電視、電台節目主持人,集雙料影后、視后於一身。1983年憑電影《花城》,獲頒香港電影金像獎最佳新人獎、1991年憑《表姐,你好嘢》獲頒香港電影金像獎最佳女主角,參演的作品部部叫好叫座。適逢當時香港電影發展蓬勃,在80-90年代,Do姐成為搶手女演員,片約浪接浪,高峰時期曾創下一天內趕九組戲的紀錄,所以有「鄭九組」之稱,見證當年電影黃金歲月,以及Do姐的超強人氣。

6.「至八會」班長

娛樂圈有不少閨蜜團,Do姐也有個「至八會」,亦是會中的「班長」。「至八會」集合了汪明荃、曾華倩、林建明、寇鴻萍、朱慧珊、鍾慧冰、江欣燕、毛舜筠等,雖然各有各忙,但友誼維持多年不變。年初,她們就去了鼎爺私房菜搞聚會,Do姐爆料係阿姐請食飯,留言:「同這班起碼4年沒有一起聚會的美女們聚在一起,多謝阿姐!」

LOAD MORE