拍拖死症係咩?姚子羚、鄭子邦3年情盡,分手導火線全因為它...

早前傳出黃智雯以工作為重押後婚期,沒想到這兩天就有消息指「胡說八道會」另一成員姚子羚Elaine,跟拍拖3年、擁有過億身家的鄭子邦情盡,於上月分手,令人意外。二人拍拖以來,一直都非常sweet,有傳她早已搬入男方豪宅同居,Elaine亦是100分女友,非常融入鄭子邦的圈子,時不時都出席鄭子邦友人聚會。這一段情,各方睇好,連胡杏兒拍完《胡說八道真情假期》都暗示就快有姊妹好事近,令人以為Elaine做鄭太有望,點知婚訊變分訊,究竟因為咩事呢?

By COSMO

姚子羚親身回應

姚子羚親身回應

1.催婚變迫分?

1.催婚變迫分?

Elaine同拍拖3年的「的士闊少」鄭子邦感情穩定,屢傳婚訊,但Elaine次次都否認傳聞,多數都話,大家很忙,但會朝着結婚的方向進發,叫大家畀啲空間佢地。不過身邊朋友當然想佢地快啲拉埋天窗,一班「胡說八道」好姊妹甚至在節目《胡說八道真情假期》上為Elaine預演婚禮,戴上鄭子邦面具向Elaine求婚兼行禮,曲線催婚,但未知這場大龍鳳是否成為分手導火線之一,皆因已經不時被催婚,節目播出後更是經常被催婚,令鄭子邦感到有壓力。現年37歲的Elaine,見到好姐妹杏兒結婚生子,一家三口幸福滿瀉,當然會有組織家庭的念頭,可惜男方未想成家立室,也不想再拖女方時間,消息指二人上月攤牌後分手。

2.冷靜期想清楚?

2.冷靜期想清楚?

Elaine對上一次與夜場老闆Patrick拍拖4年,因為迫婚不成導致分手。今次改由一班好姊妹出口出手,都係唔work。有朋友爆料:「阿邦不嬲都係浪子性格嗰type,睇得出佢根本未玩夠,佢本來都覺得同Elaine拍拖相處得好舒服,但自從女方身邊朋友個個催佢哋結婚,搞到佢開始有壓力,加上阿邦曾經離過婚,佢唔想再拖累人哋,而且阿邦父母已經走咗,佢根本唔急住再結婚!」 係真唔係,不得而知啦!不過很多男人都怕走入婚姻墳墓嘅…

3. 各有各旅行

3. 各有各旅行

新年期間,鄭子邦同兄弟丁子高夫婦一家兼成班好友飛去澳洲渡假,早前又去尼泊爾禪修、打坐,似乎係透過靜修,整理思緒咁。一向融入男友圈子的Elaine,以上旅程都缺席,失戀心情down down地,搵來好姊妹兼前室友龔嘉欣陪住飛去沖繩旅行散心,但睇Elaine的IG相片,精神很好,似乎未被情傷困擾。

失戀有咩好怕?仲有一班好姊妹相隨確係一種褔氣

失戀有咩好怕?仲有一班好姊妹相隨確係一種褔氣

「遇上你,太感恩不遲亦不早。」

4. <胡說八道會>安慰飯局

4. <胡說八道會>安慰飯局

姚子羚失戀,「胡說八道」姊妹即約安慰飯局,連忙住湊仔的杏兒都出席。李施嬅在IG貼出的大合照中,hashtag一句:「We support no matter what decisions by yourside」,係咪安慰緊Elaine呢。

而定欣就寫:「人與人之間,無論任何關係,最需要係溝通。去關心,了解,理解對方,或者有時候最大的幫忙就只是心靈,精神上的支持。我愛你們,就是喜歡你們每一個都健康快樂。」失戀難捱,最慘係一定要靠自己捱過去,不過姐妹的心靈支持,真係好重要架!

LOAD MORE