feature

「草裙舞」勿亂跳!求升職加薪前必了解的5件事

「草裙舞」勿亂跳!求升職加薪前必了解的5件事

打工仔每年總有幾次想跳草裙舞的念頭。大部分跳草裙舞的人,都覺得依家份工唔錯,只係唔甘心以低人工、低職位繼續做落去,所以又徘徊在轉工與爭取加薪的爭扎中。假如你有跳草裙舞的意向,就要好好思考以下5個要點!


1. 跳草裙舞目的是什麼?

「草裙舞」勿亂跳!求升職加薪前必了解的5件事

想爭取升職?加薪?記住,升職和加薪兩者不是相輔相承的,有些公司HR寧可俾title也不願加你人工。跳草裙舞前,認清自己想爭取什麼,到時掂量公司答應的可行性——升職的話,有此空缺嗎?即使有,輪到你來擔此重任嗎?如果想加人工的話,你的工作經驗和表現與市價脫勾嗎?加人工要加幾多?數字合理嗎?這些都是在跳草裙舞前要先計劃好的事。

 

2. 跳草裙舞要睇時機!

「草裙舞」勿亂跳!求升職加薪前必了解的5件事

年尾絕非跳草裙舞的最佳時機,因為就出bonus,呢個時候吵著辭職,HR恨不得踢你走為公司慳返筆;加上市場上空缺較少,除非你搵到好工,否則百害而無一利!

 

3. 跳草裙舞,一定要做第一個!

「草裙舞」勿亂跳!求升職加薪前必了解的5件事

有些打工仔見同事跳草裙舞成功,心思思想跳埋一份,搏老細加人工,殊不知老細非旦無如佢所願,更直接收下辭職信無挽留!跳草裙舞也要審時度勢,一定要做第一位提出加薪,千萬不能做第二,否則只會令老細覺得你有樣學樣,分明玩嘢。

4. 無Plan B勿亂跳草裙舞!

「草裙舞」勿亂跳!求升職加薪前必了解的5件事

跳草裙舞前,一定要有Plan B,即係要offer喺手先穩陣!有offer,代表你有價有市,牙力也較大,即使談判失敗,大不了接受offer,一樣有升職加薪的機會!假如你無offer,貿貿然話要辭職,而辭職原因只是人工低,能爭取到的待遇絕不及offer來得好。

 

5. 跳草裙舞失敗又如何?

「草裙舞」勿亂跳!求升職加薪前必了解的5件事

如果無Plan B,結果失敗,請你有志氣一點,立即辭職!因為你以辭職威脅老細,老細唔加你人工或唔升你職,就係睇死你無好路數,認為以你的能力,出面未必搵到好一點的工作。可能呢個係事實,但你都唔好衰俾老細睇,留低只會令老細更看輕你的能力,與其被嘲笑不自量力,不如拿出骨氣,往外闖吧!

 

LOAD MORE