feature

官方確定《死神來了》強勢回歸!繼飛機過山車後,今集發生在...

官方確定《死神來了》強勢回歸!繼飛機過山車後,今集發生在...

陪伴大家成長嘅恐怖片應該無乜幾多部,《死神來了》都算係當中嘅表表者!順著飛機座位次序死亡,加上血腥暴力嘅死亡方法,唔知又有冇曾經令你驚到徹夜難眠呢?不過人就係愈驚愈要睇,加上《死神來了》主角嘅死法集集新鮮,嚟到新一集唔知又有咩驚喜?


官方確定《死神來了》強勢回歸!繼飛機過山車後,今集發生在...

《死神來了》自2000年推出第一集後大獲好評,之後平均每3年都有續集上映,但係繼2011年播出第5集後就再無更新,令到一班粉絲十分失望。但經過大家千呼萬喚之下,新線影業(New Line Cinema)確定《死神來了》返嚟啦,粉絲們終於唔駛等到頸都長嚕

官方確定《死神來了》強勢回歸!繼飛機過山車後,今集發生在...

除咗《死神來了》回歸呢個消息令人興奮之外,新一輯《死神來了》嘅班底更加係要令小編尖叫!新一輯《死神來了》嘅劇本將會交由著名恐怖片編劇Patrick Melton同Marcus Dunstan負責。Patrick同Marcus亦都係恐怖片《恐懼鬥室》嘅編劇,由此可見新一輯《死神來了》嘅驚嚇度絕對唔會係小兒科!

 

官方確定《死神來了》強勢回歸!繼飛機過山車後,今集發生在...

消息指Patrick同Marcus現正努力編寫新一輯《死神來了》劇本,一旦劇本搞掂就會即刻開拍新一輯電影,但至於開拍同上映嘅確實日期就未知喇!粉絲們既然都等咗8年,就耐心再等多一陣咁多啦!

 

官方確定《死神來了》強勢回歸!繼飛機過山車後,今集發生在...

《死神來了》每一集都會根據主角特定嘅位置順序,去安排佢哋一個一個死去。第一到第五集分別就係飛機座位、高速公路汽車排位、過山車座位、賽車比賽觀眾席座位,同吊橋汽車排位,嚟到第5集唔知編劇們又會有咩新意呢?網上就有有粉絲提議火車或者郵輪,唔知幕後團隊喺構思嘅時候又會唔會考慮下一班粉絲嘅意見呢?

LOAD MORE