試用期未過就想走？新工中伏可能是你求職時忽略了這些因素...

打工仔每次轉新工，都需要抱有冒險的精神，擔心自己揀工的眼光差，公司性質與期望有落差，試用期都未過就想走！點解新工做極唔長，可能是你求職時忽略了以下4點！

搵工注意1. 留心同行空缺招聘的密度

聰明嘅打工仔，絕對唔會等有轉工意慾才去求職App搵工；而是定期留意筍工空缺，觀察邊間公司、邊啲職位經常請人。如果每隔兩三個月就見到有空缺，或長期都招聘中，好有可能呢個崗位極難捱，新同事都頂唔順，你就無謂自墮陷阱啦！

搵工注意2. 善用LinkedIn 窺探未來同事的背景

另一個了解新公司的同事流失率，就要善用LinkedIn。Check check公司現任及前任同事的平均工作年資及入職時間，再睇埋佢哋嘅職位級別是否相符。最理想的員工分佈係任何年齡層都好平均，但如果大部分同事年資尚淺，又只有1-2年經驗，可能代表公司專請fresh grad，一來年輕有諗頭，二來薪酬相對划算。如果中年員工較多，公司可能較守舊及穩定，但同時無乜機會上位，想升職的人士要小心。

搵工注意3. 你都要in未來上司！

見工面試時，不但是僱主觀察你的言行，也是你留心未來上司的唯一機會！Feel下佢待人友善定串咀；對同事的要求有幾高；清唔清楚你應徵崗位的職責；對同事workload了解有幾多等等，都可以趁機了解。要知道一份工做唔做得長，人夾人好重要，即使你條件滿足到工作需要，但拍住個性格不合、不清楚工作的上司，真係有排受。

搵工注意4. 反思你對新工作的期望

最後一個因素，係你對新工作有咩期望。可能新工同舊工工作性質差不多，但假如你轉工是為了升職，自然期望新工會俾到更多挑戰、機會。特別係做咗幾年嘢，希望開始學習管理技巧。假如新公司規模太細，團隊無太多等級之分，上位及學管理能力的機會也愈少，期望有落差，自然有離職的意慾。