時令大閘蟹點食好？中式同西式食法各有特色一樣咁好味！
秋風起除咗行山同野餐仲有咩好做？當然唔少得食大閘蟹啦，諗起都流哂口水！好多人都會自己買大閘蟹返屋企，然後自己整完再拆再慢慢品嚐，但對於一啲唔想麻煩嘅朋友仔嚟講，出去食就會方便好多，幫你整埋，你就可以坐喺度等食啦！
大閘蟹餐廳一：逸東軒
食大閘蟹又係中式食府點可以唔提逸東軒呀！貴為米芝蓮一星食府嘅逸東軒喺十月底已經推出咗秋季限定大閘蟹菜單啦！逸東軒供應嘅大閘蟹包有保證，每隻都由大廚精心挑選，最少都有五両重，除咗有濃濃嘅蟹膏之外，肉質都鮮嫩無比！
顧客可以因應人數同喜好選擇單點大閘蟹、用大閘蟹製成嘅佳餚或者揀大閘蟹套餐！陽澄湖大閘蟹都係每隻$288，另外其他美饌包括生拆蟹粉小籠包（每隻 $35）、 蟹粉山珍石榴球（例 $218）、玉帶蟹影千紅（例 $280）、蟹粉千葉豆腐 （例 $218）同蟹粉扒鮮蘆筍（例 $298）
另外標價$880嘅大閘蟹套餐一樣都好吸引！套餐包括逸東叁彩碟（翡翠蒜泥中蝦丶脆皮燒腩仔丶生拆蟹粉小籠包）、龍皇蟹粉燴冬茸、清蒸大閘蟹 (2隻)、十頭鮑魚扣花菇、鹹菜魚湯浸斑球、薑茶湯圓同棗皇糕。
逸東軒
地址：佐敦彌敦道380號Eaton HK B2樓層
電話：(852) 2710 1093
大閘蟹餐廳二：東海飲食集團
想食大閘蟹又點止得一間，東海飲食集團同樣為你呈獻「珍鐉‧大閘蟹」宴，讓你可以細嘗大廚功架！我哋一齊睇吓蟹宴入面有咩吸引嘅佳餚啦！
鮮味蟹粉小籠包
蟹粉小籠包相信係大閘蟹嘅必食菜式！東海嘅每隻蟹粉小籠包都十分矜貴，因為每隻大閘蟹嘅蟹粉同蟹肉最多淨係可以整3 - 4隻蟹粉小籠包，所以一籠嘅蟹粉小籠包就等於一整隻大閘蟹㗎啦！
生拆蟹粉蒜茸包
以為大閘蟹淨係可以整返傳統菜式？大廚決定為今年大閘蟹加添新意，創作出大閘蟹粉蒜茸包，將熱辣辣嘅大閘蟹粉搽喺香脆蒜茸包上面，諗起都開始肚餓！
生拆蟹粉扒豆腐/豆苗
傳統蟹饌更顯功藝不凡，大廚精心挑選滑溜的豆腐及嫩芽爽口的豆苗作配料，務求彰顯當中的甘香鮮味。為了突出生拆蟹粉的甘香豐腴，大廚從調味下手，加入自家調配的醋汁，陣陣醋的酸香，醒胃而不油膩，為菜式添上一份清新及融和感。
東海酒家
地址：鰂魚涌華蘭路25號栢克大廈2樓
電話：(852) 2887 7112
東海薈
地址：尖沙咀北京道1號11樓
電話：(852) 2877 2938
東海薈．拉斐特
地址：尖沙咀彌敦道100號The ONE L12
電話：(852) 2698 0990
東海薈．拉斐特
地址：青衣青敬路33號青衣城1樓117號舖
電話：(852) 2317 8889
大閘蟹餐廳三：Involtini Italian Cuisine
中式食法食大閘蟹好悶？咁不如試吓西式食法呀！連續兩年推出意式大閘蟹Tasting Menu嘅Involtini Italian Cuisine 今年設計咗全新嘅大閘蟹Tasting Menu，每位HK$788(+10% 服務費)，入面嘅7道大閘蟹菜式，款款別出心裁！
餐前小點：真係番茄？
外形似剝了皮嘅番茄，其實係鹽漬鱈魚配上新鮮魚肉作為餡料，外層以番茄鯷魚汁做成番茄嘅形狀，味道酸甜開胃，充滿驚喜！
頭盤：沙灘上的貝類
呢個菜色係模仿沙灘上嘅貝殼類生物
左 - 脆脆小薄餅配大閘蟹蟹膏同三魚子籽
中 - 藜麥蟶子殼配燒日本魷魚及焦糖洋蔥
右 - 日本炸澤蟹
第二道菜："燒賣"?
用小意麵卷做成燒賣嘅外觀並以中式蒸籠盛載，配以鱸魚、意大利風乾豬面肉同大閘蟹蟹膏。
第三道菜：鮮香煎海蝦意大利飯配瑤柱香濃蟹湯
用濃郁海鮮湯同海蝦煮成意大利飯，享受完飯焦後可加入用昆布、鰹魚、花蟹及大閘蟹淆成的極鮮甜濃湯，一道菜色，兩種食法!
Pasta：手做墨汁意大利麵配 大閘蟹蟹膏 鹹蛋黃海鮮汁
麵底醬汁係由咸蛋同自家製海鮮湯煮成，配上蟹膏，再加上用高級意大利墨魚汁打入Pasta內嘅手造意大利麵，包你有驚喜！
Pizza：自家製大閘蟹蟹膏米小Pizza配本地新鮮食用花
將飯煎香整成餅底，鋪滿香濃嘅大閘蟹蟹膏，再配上本地新鮮食用花加強味道層次。
西西里檸檬紅酒梨撻
甜品有西西里檸檬紅酒梨撻加埋意式薑味雪糕同花蜜檸檬薑茶，簡直係完美呀！
Involtini Italian Cuisine
地址: 銅鑼灣駱克道 459-461 號 The L. Square 11 樓全層
電話: 2658 2128
