揀好咗主題當然唔少得揀佈置令到Party更加有feel啦！學校主題又點少得恐怖得嚟又帶有學校元素嘅裝飾擺設啦，可以考慮吓嚇人嘅手繪畫像同十字架！如果唔知點畫嚇人嘅畫像，可以考慮近排大熱嘅恐怖片《詭修女》（台灣譯名：鬼修女）入面嘅Valak或者《猛鬼街》嘅Freddie！
開Party又點少得食物？如果想將恐怖升溫，不如試吓整啲人體殘肢樣嘅食物，好似斷指香腸、腦袋布丁、眼珠朱古力波波咁！睇吓邊個朋友咁大膽會食得落！
女巫主題Party大玩高冷型格西洋風
如果係魔法類作品嘅忠實粉絲，女巫主題嘅萬聖節party就最啱你！女巫嘅形象一向都好型格冷酷，仲可以配埋鮮艷嘅紅唇，同班姊妹影相打卡一流呀！
女巫主題又襯咩佈置好？簡簡單單嘅蠟燭就已經勁有feel！女巫紅色或者黑色嘅斗篷配埋閃閃發光嘅蠟燭，感覺恐怖得嚟又帶點浪漫！
野飲食物方面可以考慮吓用蕃茄汁或者車厘子汁模仿血。當攞上手嘅時候就會好似女巫飲血咁，如果嫌紅色嘅cocktail太難預備，養生嘅蕃茄汁都不愧為一個好選擇！
森林主題Party深山妖精齊探險
森林一向都比人陰森恐怖變幻莫測嘅感覺，唔知幾時會喺邊度跳啲嘢出嚟嚇你！如果學校同女巫主題都唔啱你嘅話，不如諗吓搞森林主題？好多恐怖片都係喺森林發生，好似《自殺森林》同 《紅衣小女孩》同樣係喺森林發生！
森林主題最啱就係配南瓜做佈置。想將難度升高仲可以試吓親手雕南瓜燈籠，Jack O’Lantern可以話係萬聖節嘅必備裝飾，如果諗唔到一班friend玩咩，不如一齊喺萬聖節雕吓南瓜燈籠！
橫掂都買咗南瓜，就順便用埋南瓜嚟整食物啦！南瓜批、南瓜湯甚至南瓜班戟都係唔錯嘅選擇！
感謝閣下訂閱Cosmo電子報。
閣下將收到一封電郵確認，謝謝支持！
閣下已註冊Cosmo電子報，請按下註冊電郵上的連結，以激活閣下的帳號。
如果未收到註冊電郵，請按此重發。
閣下已曾註冊Cosmo電子報，請前往設定更改閣下的訂閱選擇。
據系統顯示，閣下為CosMart會員；如想訂閱Cosmo電子報，請前往CosMart後台設定 - 接收電郵設定更改閣下的訂閱選擇。
