editing

致事業心強的女生!不要成為自己口中那個難頂「阿姐」

致事業心強的女生!不要成為自己口中那個難頂「阿姐」

香港地女多男少,職場上女生上位機會愈來愈多。加上女人當自強的觀念,不少事業心強的女人都希望晉升到經理、上司職級。不過根據非正式統計,打工仔不論男女,都怕跟住一個女上司,原因可能你都曾經經歷過!


無論你的身份已是上司,或即在不久的將來會上位,都要看清以下幾點,避免成為被下屬討厭的「阿姐」。仲有,以下內容集合多個真實案例,如有雷同,歡迎對號入座!

1.忌以猶豫不決方式處事

致事業心強的女生!不要成為自己口中那個難頂「阿姐」

「今日的我打倒昨天的我」已經是過去式,最新發現是女上司竟然係「四點的我打倒兩點的我」!「無路捉」實在是當上司的大忌,下屬根本無辦法跟住一個方向推進工作。Version 1 的proposal 被改到Version 26(仲要內容其實差別無幾),折騰完一大輪又回到最初的起點,幾有心的同事都會做到burnout。對住一個三心兩意的「阿姐」,下屬好可能只會拖慢工作,「反正都比阿姐改嚟改去,求其交咗先」。

 

2.忌成為工作狂

致事業心強的女生!不要成為自己口中那個難頂「阿姐」

一個女人要升到管理層,管治一大班下屬,除了好努力工作,性格也要夠硬朗。不過緊記,你要做女強人,唔代表你的下屬全部都要陪你朝八晚十二。有些女強人甚至抱有「女人要靠自己」的心態,強硬訓練女下屬成為明日的自己。可能你需要全情投入工作,你下屬未必可以,亦都未必想。人生除了工作,其實還有家庭同生活。

 

3.收工後忌開媽咪Mode

致事業心強的女生!不要成為自己口中那個難頂「阿姐」

工作狂的另一個極端,係過度關顧下屬。明明已經放工,阿姐還打電話過來噓寒問暖,「份工做成點啊?攰唔攰啊?今晚早啲休息啦…..」其實這一種所謂「慰問」,對下屬來說是另類OT。況且,如何同下屬保持適當距離,都是一種管理藝術。

 

4.忌重男輕女

致事業心強的女生!不要成為自己口中那個難頂「阿姐」

不錯,異性相吸、女人有母性嘛。阿姐通常都會對男下屬態度比較好,相反有時對女下屬就較不客氣。上司對下屬有偏好喜惡雖然可能是人之常情,但「大細超」到出曬面,唔止惹來女同事討厭,男同事亦不想被「厚待」!試想想,被女上司偏愛的男同事仍然要繼續與同事共事,同事或多或少對他充滿敵意,根本是陷他於兩難啊!

 

5.忌化身職場訓導主任

致事業心強的女生!不要成為自己口中那個難頂「阿姐」

有個朋友最近轉新工,但已經又想再搵工。事關佢久不久就被阿姐捉入房:

「裙太短...」
「個踭太高啦!」
「做咩整到啲Gel甲咁樣?點見人?」
「仲細啊?你著得咁唔Pro!」

 

致事業心強的女生!不要成為自己口中那個難頂「阿姐」

可能你會覺得阿姐此行為跟工作專業有關,其實內心點都有啲妒忌成份,畢竟下屬年輕貌美,阿姐卻怕被搶風頭,失去上司風範。朋友話每次被阿姐評頭品足,中學的回憶都返曬嚟,對呢位「訓導主任」感到怕怕,亦覺得被針對!

LOAD MORE