feature

飲醉酒頭暈又嘔超辛苦?教你7種解酒方法踢走宿醉不適

飲醉酒頭暈又嘔超辛苦?教你7種解酒方法踢走宿醉不適

大時大節咁開心少不免會同一班朋友飲多幾杯,有連假就話唔怕飲多啲,但如果第二日要返工又飲多咗可以點算好?相信大家都有經歷過酒後不適嘅經驗,除咗會嘔會頭暈,第二朝仲會頭痛,嚴重啲仲會胃痛同冇胃口。為咗等大家飲得開心之餘,第二日返工都可以精精神神,小編今次醒你7種解酒方法,幫你同頭暈嘔吐講byebye!


1.蜂蜜水:舒緩酒後頭痛

飲醉酒頭暈又嘔超辛苦?教你7種解酒方法踢走宿醉不適

蜂蜜水係其中一個超方便嘅方法,應該唔少人屋企都會有一樽半樽蜂蜜。美國國家頭痛研究基金會嘅研究人員指出,因為蜂蜜中含有一種特殊果糖,可以促進酒精分解吸收,所以可以有效減輕頭痛症狀,尤其係紅酒引起嘅頭痛。

另外蜂蜜還有催眠作用,可以令人極速入睡。如果飲完酒之後一瞓低覺得超頭痛瞓唔到,不如試吓沖杯蜂蜜水飲先去瞓。

 

2. 番茄汁:舒緩酒後頭暈

飲醉酒頭暈又嘔超辛苦?教你7種解酒方法踢走宿醉不適

番茄汁同蜂蜜一樣富含特殊果糖,能有效促進酒精分解吸收。一次飲用300ml以上(即係多過一罐可樂少少)就可以令減輕酒後頭暈不適。

我知道你一定會問:「咁食番茄得唔得?」都得!但根據實驗證實,食番茄嘅解酒效果會無番茄汁咁好!

 

3.提子:舒緩酒後反胃

飲醉酒頭暈又嘔超辛苦?教你7種解酒方法踢走宿醉不適

新鮮提子含有豐富酒石酸,酒石酸同酒入面嘅乙醇會形成酯類物質,有效降低體內乙醇濃度,達到解酒功效。提子嘅酸味都有效緩解酒後反胃、噁心等症狀。如果喺飲酒之前食提子葡萄,更加有預防醉酒嘅功效。

4.柚子:消除酒後口氣

飲醉酒頭暈又嘔超辛苦?教你7種解酒方法踢走宿醉不適

將柚肉切粒,再沾上白糖食可以有效消除酒後口腔中嘅酒氣同臭氣。另外,柚子都係解酒良方,如果無一個柚子嘅話,柚子蜜都一樣有效。韓國人特別鍾意柚子蜜,因為韓國人到超鍾意飲酒,柚子蜜可以有效舒緩酒後不適。

5. 乳酪:舒緩酒精吸收

飲醉酒頭暈又嘔超辛苦?教你7種解酒方法踢走宿醉不適

乳酪可以保護胃黏膜,延緩酒精吸收。由於乳酪中含有豐富嘅鈣,所以對於緩解酒後煩躁症狀都相當有效。

6.香蕉:舒緩酒後胸悶

飲醉酒頭暈又嘔超辛苦?教你7種解酒方法踢走宿醉不適

飲醉酒之後第二日好多時都有啲胸口鬱悶嘅感覺,呢個時候可以立即食1-3條香蕉。因為香蕉能夠增加血糖濃度,可以令酒精喺血液中嘅濃度降低,達到解酒目的,同時可以有效舒緩酒後胸悶。

7. 水:解酒基本步

飲醉酒頭暈又嘔超辛苦?教你7種解酒方法踢走宿醉不適

如果你屋企真係乜都無,感都仲有方法嘅!飲水啦!分解酒精嘅時候一定需要水,當身體嘅水分唔夠嘅時候,就會容易出現宿醉嘅情狀,所以飲充分水分,對於減輕頭痛、頭暈等症狀都有幫助!

LOAD MORE