feature

香港10間Infinity Pool 酒店 歎盡無邊際泳池+絕美海景!

香港10間Infinity Pool 酒店 歎盡無邊際泳池+絕美海景!

去旅行Book酒店時,大家都會被無邊際泳池吸引住,想在Infinity Pool 一邊游水,一邊享受眼前美景!身在香港,近在咫尺都有Infinity Pool 酒店推介,即使唔得閒四圍飛,都可以留喺香港豪歎weekend!


海匯酒店 Hotel Vic

香港島區:海匯酒店 Hotel Vic

最新開幕、位於北角碼頭的海匯酒店Hotel Vic,東西兩座相連,其中一座頂層為infinity pool。泳池對正維港海岸線,180度海景無遮擋,更加唔怕被其他人睇實,可以放心自由暢泳。同層仲有gym room,除咗一般健身器材外,更有VR Game設施,男朋友或老公做gym,自己去玩VR Game!結婚周年或者紀念日都可以喺度同情侶住返晚、慢慢享受二人世界。

地址:香港北角北角邨里一號

香港四季酒店 Four Seasons Hotel Hong Kong

香港四季酒店 Four Seasons Hotel Hong Kong

香港四季酒店的Infinity Pool 長24米,除咗帶有水底音響系统外,冬天更有恒温功能,貼心度滿分!四季酒店位處中環核心地帶,海景對正尖沙咀海旁,晚上更可欣賞到幻彩詠香江及煙花匯演。

香港四季酒店 Four Seasons Hotel Hong Kong

▲影相貼士:女生貼近池邊,在水中露出美背,請男友企到泳池另一邊取景,同時攝入對岸景色!

香港四季酒店 Four Seasons Hotel Hong Kong

▲想影到更多池景,可以挨近池邊擺pose,就好似置身大海暢泳一樣。

地址:中環金融街 8 號 

香港銅鑼灣維景酒店 Metropark Hotel Causeway Bay

香港銅鑼灣維景酒店 Metropark Hotel Causeway Bay

位於天后站的香港銅鑼灣維景酒店樓高33層,最頂層的室外泳池可多角度享受灣仔以至尖沙咀及紅磡的海景。泳池呈弧形,建築設計有心思,打卡一流。

地址:香港銅鑼灣道148號

香港英迪格酒店 Hotel Indigo Hong Kong

香港英迪格酒店 Hotel Indigo Hong Kong

時尚精品酒店Hotel Indigo Hong Kong,29樓頂層就是Infinity Pool,面向山景,特色在於突出的一個角落,以玻璃作為底部,可以俯瞰下方景色,香港少有!

香港英迪格酒店 Hotel Indigo Hong Kong

從酒店底部抬頭向上望,就會看到客人的游泳姿態。不過放心,因為有成29層高,唔會被影到走光相!

地址:香港灣仔皇后大道東246號

九龍區:嘉里酒店 Kerry Hotel

九龍區:嘉里酒店 Kerry Hotel 

2017年開幕、位於黃埔的Kerry Hotel,一樣有維港全景!25米戶外無邊際游泳池和盡享海港美景的日光浴甲板,連接3樓及及4樓的戶外露台,空間感極強。雖然泳池唔係居高臨下,但Kerry Hotel就在海旁,鄰近維港,視線完全無遮擋!

地址:香港九龍紅磡灣紅鸞道38號

九龍海逸君綽酒店 Harbour Grand Kowloon

九龍海逸君綽酒店 Harbour Grand Kowloon

酒店就在黃埔海旁,比嘉里酒店更接近維港海景!頂樓的露天游泳池以玻璃幕牆聞名,池畔法式太陽椅都面向海景,環境一絕。池畔更設酒吧讓你享受特式雞尾酒!

九龍海逸君綽酒店 Harbour Grand Kowloon

▲拍攝貼士:Infinity Pool向港島西南方向,黃昏時可以一睹夕陽靚景,是拍照的好時機。

地址:九龍紅磡黃埔花園德豐街20 號(港鐵黃埔站D2出口)

W Hong Kong

W Hong Kong

W Hong Kong的infinity pool 以WET命名,位於76樓高,為全城最高戶外泳池!WET對住西九龍夜景,今年7至9月更舉行夏日泳池派對,由一眾炙手可熱的DJ帶來精彩的強勁電音,加上名貴香檳、特色雞尾酒、閃耀型格的現場裝飾、虛擬實景 (augmented reality) 拍照區,實在不可錯過!

W Hong Kong

▲W Hong Kong晚上亮燈後,配合燈光效果,十分有情調。

W Hong Kong

▲拍攝貼士:除了影Infinity Pool 外,記得唔好錯過呢幅特色牆。坐喺沙灘椅上飲住cocktail擺pose,一定呃到like!

地址:西九龍柯士甸道西1號

半島酒店 The Peninsula Hong Kong

半島酒店 The Peninsula Hong Kong

要數最有富麗堂皇感覺的,非香港半島酒店莫屬。呢個室內游泳池以羅馬風格設計,設有精美的樑柱及雕塑,好有皇室氣派。游泳池位於8樓,可以遠眺維港對岸的會展建築;呢度仲有相連的露天陽台,讓泳客享受日光浴。

地址:九龍梳士巴利道

香港麗思卡爾頓酒店 The Ritz-Carlton, Hong Kong

五星級酒店The Ritz-Carlton的118樓為室内游泳池。唔好以為室内游泳池無咩驚喜,呢度以落地玻璃包圍泳池,更有LED天花屏幕及户外按摩池,只要識影,一樣影到infinity效果!

地址:九龍柯士甸道西1號環球貿易廣場頂部103-118層

香港洲際酒店 InterContinental Hong Kong

香港洲際酒店 InterContinental Hong Kong

洲際酒店一向以維港及港島區靚景聞名,3樓的室外泳池對正無敵大海景,雖有玻璃分隔但無阻影相效果。尤其黃昏時分嚟打卡,池水燈光及晚霞映照下,另有一番味道。

地址:九龍尖沙咀梳士巴利道18號

LOAD MORE