feature

【香港9月限定日本秋祭】親手整可愛招財貓+著浴衣行市集

【香港9月限定日本秋祭】親手整可愛招財貓+著浴衣行市集

每次去親日本都要著和服、浴衣打卡,吃盡當地地道美食,仲要瘋狂血拼滿載而歸!假如今年未有時間飛日本,留港都可參加D2 Place 8月底起為期10日嘅日本秋祭市集,20多個日本人氣時裝、飾物、動漫及飲食品牌將登陸香港!市集更請來日本導師舉辦三大特色手作工作坊,你仲可以租穿浴衣行市集,打卡影靚相,感受地道日本秋祭氣氛!

by Grace Luk

Workshop1:日本愛知縣「常滑燒」招財貓及豆皿工作坊 (附繪製)

 Workshop1:日本愛知縣「常滑燒」招財貓及豆皿工作坊 (附繪製)

▲日本愛知縣「常滑燒」招財貓及豆皿工作坊 (附繪製)

鍾意做小手作嘅姊妹一定唔可以錯過!日本愛知縣常滑市著名出產「常滑燒」陶器,更係日本招財貓生產量第一的城市。呢個Workshop,姊妹們可以為白雪雪嘅「招財貓」或「豆皿」親自上色,製造世界上獨一無二嘅招財貓~

【香港9月限定日本秋祭】親手整可愛招財貓+著浴衣行市集

▲日本愛知縣「常滑燒」招財貓及豆皿工作坊 (附繪製)

而最特別嘅係,上完色之後,工作人員會將作品空運返日本燒製,大概一個月之後,就會聯絡參加者到 AQUA PLAZA 攞返作品。

日本愛知縣「常滑燒」招財貓及豆皿工作坊 (附繪製)

費用:
個人組:HK$100 /人
親子組:HK$150 / 人 (1 位成人與 1 位 12 歲或以下兒童,包括所有材料工具及一件成品)

Workshop 2:「飄香手毬」飾物工作坊

 Workshop 2:「飄香手毬」飾物工作坊

▲「飄香手毬」飾物工作坊 

今次D2 Place特別邀請咗香港首位得到日本手毬協會專業認可嘅導師,教大家做個香噴噴嘅手毬飾物!

【香港9月限定日本秋祭】親手整可愛招財貓+著浴衣行市集

▲「飄香手毬」飾物工作坊 

相傳日本嘅母親會喺女兒出嫁或出遠門嘅時候,會親手製作呢個「飄香手毬」嘅飾物俾女兒,以表關懷同思念。手毬内含有唔同嘅香料,可以放喺衣櫃入面,又可以掛喺袋上面,療癒煩躁心情,啱晒想舒緩工作壓力嘅你!

「飄香手毬」飾物工作坊

費用: HK$150 / 人(包括所有材料工具及一件成品)

Workshop 3:日式「自癒」明信片工作坊

Workshop 3:日式「自癒」明信片工作坊

▲日式「自癒」明信片工作坊

呢個Workshop,姊妹們可以用日本傳統繪手紙技巧,製造「日式」明信片。現場仲有導師從旁教授繪你製造手紙嘅竅門,例如,吊筆畫線、上色、題字及簽名技藝等技巧,同你一齊完成繪手紙作品。

【香港9月限定日本秋祭】親手整可愛招財貓+著浴衣行市集

▲日式「自癒」明信片工作坊

姊妹們可以盡情發揮自己嘅藝術天份,夠晒「自癒」!

日式「自癒」明信片工作坊

費用: HK$150 / 人(包括所有材料工具及一件成品)

話到明要感受地道嘅日本秋祭氣氛,又點少得好似喺於日本咁,一路行,一路著住套靚靚浴衣打卡影相呀?

空運到港日本浴衣租借服務—感受秋祭文化氣氛

空運到港日本浴衣租借服務—感受秋祭文化氣氛

▲空運到港日本浴衣租借服務

你無聽錯,係專程由日本空運到港嘅浴衣!秋祭現場提供成人同小童嘅浴衣租用區,有成差唔多30 款浴衣供租借,男女老幼嘅款式都有。姊妹們除咗可以同閨蜜嚟,仲可以同家人嚟添!另外,大會設有佈景區,可以比大家影相留念!

浴衣租借服務詳情

 價錢:HK$40/15 分鐘; HK$250/2 小時(需另加 HK$400 按金)

20多個日本人氣品牌登陸!

20多個日本人氣品牌登陸!

▲左:Brand Japan大阪「北極冰」;右上:北海道芝士扇貝;右下:PREMIUM FACTORY和牛作漢堡

D2 Place邀請咗多達20多個日本人氣品牌,專程喺日本過嚟香港參加活動,其中包括數好多款令人流晒口水嘅日式美食,就好似創業 73 年的大阪「北極冰」、用和牛作製成的漢堡包、同北海道出產的芝士扇貝等等。

▲左:山口地ビール啤酒;右上:Jolie飾物;右下:Organic Food SOKO調味料

除咗現場有嘢食,市集仲有一系列嘅日本飾物、乾貨、日製調味料及啤酒,令你可以滿足喺日本shopping嘅慾望!

 D2 Place x Aqua Plaza 「香港の秋祭り」 INFO

日期 :2018 年 8 月 31 日至 9 月 9 日
時間 :中午 12 時至晚上 9 時
地點 :D2 Place 一期 2 樓 The Space 及 1 樓 Aqua Plaza (港鐵荔枝角站 D2 出口)

LOAD MORE