年少時，我們對將來工作滿有幻想，幻想自己能大展所長，幻想自己能在喜歡的職業裡發光發亮，然而，經過社會和時間的洗禮，還有甚麼能讓你留住初衷，繼續拼搏理想？曾屢獲世界多項設計師大獎，更被封為「亞洲四十驕子」的現任香港設計師Ken Lo羅曉騰，在design這圈子打滾10多年，奇人怪事屢見不鮮，但仍能讓他一直咬緊牙關走過來的，就是一個信念：「想透過設計傳遞快樂。」今次，他為一個本身已極具實力的品牌田原香重新設計其系列包裝，但他坦言過程也不容易。
登入 瀏覽本網站，可獲取積分換領專屬優惠
點擊查看專屬優惠
設計師辛酸 人工低、走數、抄襲、打官司樣樣見過
Ken自投身設計師行業以來，覺得能夠每日做自己開心又有收入的工作是件幸福事：「我未入行前覺得如果有$7000一個月已經滿足，畢竟你已經賺咗一份滿足感，而當時我第一份工已經有$11,000，所以更加開心。」奈何，設計這行業加薪速度比較慢，幅度也不會很大，Ken坦言做了幾年也只有萬幾蚊，加上多年來經歷了被走數、被抄襲等各種層出不窮的苦事，難免心灰。
人生總要交交學費，才能成為今日寶貴的經驗：「10年前曾經自己出過一個系列嘅環保袋，有一日行旺角時發現自己的設計印咗喺一件T恤上面，而當時果間舖係一間賣年青人書包嘅連鎖店。當時好嬲，搵咗律師去跟進，我以為事情可以好快完結，因為我係原創者，但係法律世界原來唔係咁運作，對方強詞奪理話佢哋早過我創作該作品，本末倒置。最後因為對方未能提供有力證據，用咗幾年時間我才打贏咗單官司，本來要求對方支付律師費用，但對方因財務問題，剩係俾咗幾萬蚊，補償唔返我咁多年用喺呢件案上超過二十萬嘅律師費。呢次學費非常貴，但就學識咗好多關於知識產權嘅嘢。」這行頭錢可能不多，但賺到的一定比錢更多。
笑對誤解：「平面設計唔等於成個平面都充滿設計」
設計師行業難做，而最令Ken覺得最不受尊重的是Free Pitching：「唔出錢而想得到設計，或者用不合理價錢去搵設計師工作，呢啲係真正嘅不尊重，更差嘅係可能見面後冇搵你，但轉頭抄左你嘅設計。」
Ken更笑言自己作為平面設計師，也遇到過不少挺有趣的客人：「有時你希望做一個簡約嘅設計時，客戶會覺得你冇設計，覺得俾左錢你會見到好多『設計』，但其實簡單嘅設計先係最難做，思考如何將不必要嘅元素拎走係好考功夫。所以有時客戶低估左『改少少』嘅難度，平面設計唔等於成個平面都充滿設計。」
▲從Ken以前的作品也可見其「簡約」的元素
遇上好客戶的信任和支持 成堅持設計師之路的動力
可幸地，Ken本著做設計帶給人開心和快樂的初衷，讓他不斷遇上好客戶的信任和支持，成就他繼續堅持走設計師之路，而今次就是台灣著名滴雞精品牌—田原香：「當初知道田原香從台灣嚟香港搵我地做設計覺得好開心，有海外嘅客戶垂青係一種鼓舞，而知道田原香係一個有領導力同影響力嘅品牌，我哋更加要小心做好。」
田原香源自台灣，有自家農場放山飼養雞隻，而且製作滴雞精過程也專業衛生，令Ken在為品牌重新演繹15周年新包裝形象時，都想帶給顧客一種天然而用心的感覺：「每個品牌都有佢獨特嘅故事性，田原香嘅滴雞精本身來自地靈人傑嘅地方，簡樸、用心、有細節，如果包裝上面都可以傳遞到呢種質素會係一個好吸引嘅設計，碰巧田原香都冇要求我哋喺主視覺面上放上太多資訊，所以產生咗好好嘅化學作用。」
本身Ken的創作風格偏向色彩豐富，因他一直希望透過設計傳遞快樂，而今次為田原香的重新演繹，也走著同一方向：「田原香滴雞精合共有16款口味，有唔同口味同功能，其實係市面上唯一有咁多口味和功能以供選擇嘅滴雞精品牌，所以我哋希望喺門市陳列時都表達出產品豐富多樣化嘅感覺，而呢方面好適合一個多顏色嘅設計系統，呢啲豐富嘅色調會帶嚟快樂嘅能量。」
Ken感激客戶尊重設計和信任，令他和他的團隊可以放膽做新嘗試，最後效果也很不錯。在重新打造品牌的產品設計上，Ken將每款產品都變成一幅幅可以欣賞的畫，而每幅畫都由一個「田」字發生，連繫著對品牌的記憶性：「新設計每款都唔同，但同時又係一個設計系統下，令產品喺貨架上更加突出，又能達到分類功能。」
▲(右上)「精銳」是給男士用的，Ken就將其做得剛烈一點，所以在用色上會見到深藍色強烈的線條；(左下)「想孕」則用上粉紅色以及一個孕育的抽象狀態；(左下)「兒童」就有活潑的粉藍色和蒲公英，帶出輕鬆、快樂感覺。
品牌本身要有實力 設計才能起作用
Ken坦言好的設計來自好的對手：「田原香跟其他品牌不一樣嘅係佢哋本身由家庭式開始，繼而發展成台灣滴雞精嘅龍頭品牌，有一定嘅知名度和口碑，所以就算有相對突破性嘅新包裝，基本上已經擁有一定數量嘅忠實用家，都唔怕被消費者輕易忘記。」反而新包裝更能強調品牌的氣質，這就是Ken一直認為「只有產品本身已經很不錯，設計才會起到有利作用」的看法。
坊間滴雞精品牌眾多，但田原香今次的包裝卻不賣弄「滴雞精」元素：「喺香港，好多時客戶要求我哋嘅設計要偏向迎合大眾口味，其實設計初期我哋都有試過用雞嘅元素，但經過討論後，田原香對佢哋嘅滴雞精非常有信心，因為佢哋對自己養飼的雞和產品製作的專業度及質量高於市場水平非常有信心，所以請我哋唔需要考慮用雞和水滴嘅元素，咁樣反而更可跳出市面上見到嘅設計。」
田原香是第一家將滴雞精商品化的品牌，與時並進，他們其中一個品牌理念就是把這種有品質保證的台灣味道帶向世界，Ken：「田原香喺銷售方面已走向華人世界，喺中國內地、香港、澳門以及新加坡等地都有銷售，標誌係要放喺門頭和包裝上佔很重要嘅位置，佢哋需要更簡潔、易讀、富國際感的設計來配合品牌嘅發展。所以我哋簡化咗原有印章標誌上複雜嘅細節，線條令品牌名稱更易讀，仲將字體配合直排嘅設計，增加東方元素及整體設計嘅平衡感，表達出品牌嘅信心、實力、氣質及品質。」
設計這行看來很好玩，但作為一個有經驗的設計師，Ken卻寄語：「如果好鍾意設計但係設計又唔叻就唔好做設計師，因為鍾意設計唔等於鍾意『做』設計，反而去做一個識得欣賞設計價值嘅客戶，先可幫到手提升業界水平。」正如田原香與Ken的這次合作，讓好客戶成就好設計，而好設計也能成就出色的設計師，使整個行業以至各大品牌都能相得益彰，互相發光發亮。
Ken Lo更多作品 : https://www.blow.hk/
田原香滴雞精 : https://www.qchicken.com.hk/
立即訂閱接收Cosmo最新潮流資訊
訂閱電子報，時刻掌握生活資訊！