L風暴是繼2014年《Z風暴》及2016年《S風暴》後的第三部。《L風暴》代表 Money Laundering(洗黑錢)，承接反貪風暴系列第二集《S風暴》，今集繼續有古天樂領銜主演，夥拍張智霖 、鄭嘉穎一齊調查洗黑錢案。
登入 瀏覽本網站，可獲取積分換領專屬優惠
點擊查看專屬優惠
新任影帝首部作品
《L風暴》係古天樂贏得金像獎影帝後，再次參與連場動作場面嘅作品，片中佢飾演廉政公署首席調查主任，調查海關督察狄偉傑（謝天華飾）貪污時，被舉報貪污1200萬，即時被鄭嘉穎飾演的廉署L組(內部紀律調查組)總調查主任調查及停職。佢同多位男主角鬥智鬥力，仲親身上陣拍攝將多場驚險動作場面，一定滿足到鍾意睇打鬥片的影迷！
頹廢look難掩Chilam俊俏一面
一向以型仔形象示人的張智霖，今次為求突破，不惜以頹廢美形象示人！戲中佢飾演警方聯合財富情報組(JFIU)總督察，在100億洗黑錢案再度遇上老拍檔陸志廉，一心幫佢洗脫貪污嫌疑。留鬚嘅chilam成個麻甩佬，但男人味依然非凡，既要留意佢嘅演技又要睇佢頹廢美造型，觀眾一定好忙！
新任人夫鄭嘉穎代表作
《L風暴》是鄭嘉穎離開電視圈後，首部參與演出的港產片。佢飾演廉署總調查主任，嫉惡如仇，本以為古仔有份貪污，後來事情明朗化後企返同一陣線！佢跟古仔一同抗敵，由船頭打到船尾，多場動作場面非常激烈，以往甚少見到嘉穎好身手，今次要落足眼力喇！
新型男上陣 打得又捱得！
不得不提今次片中一位新面孔——栢天男，澳洲土生土長中國人，鬼仔性格，模特兒出身，今次《L風暴》係佢嘅處男作！第一次拍戲就有份同古仔、Chilam、鄭嘉穎等實力派演員做對手戲，絕對不容小覷！佢戲內飾演患有自閉症的數學天才兼犯罪高手，自信過人且身手不凡，要對付以上三位男主角。栢天男本人中文唔算好好，今次既要背劇本又要考演技，加埋動作場口多多，對佢而言絕對是高難度挑戰。
栢天男和鄭嘉穎展開連場激戰，由甲板打至船艙、船頭打至船尾；Adam更會伏在船頂飛刀襲擊嘉穎，驚險萬分！
拍攝前嘉穎和Adam兩人留心聆聽動作指導的指示，並試位練習，但始終拳腳無眼，於其中一個動作Adam左手不小心打中嘉穎的鼻，嘉穎痛至面容扭曲，數度揉鼻，雖然如此，但嘉穎不忘搞氣氛說：「我個鼻假㗎！」 。
除了新任影帝、實力派及新晉演員，唔少得老戲骨廖啟智擔任洗黑錢集團頭目、譚耀文任洗黑錢首領。兩人老謀深算，睇到智叔嘅表情及內心戲，雖不是第一男主角，但角色仍然搶鏡！
《L風暴》上映日期：8月23日
立即訂閱接收Cosmo最新潮流資訊
訂閱電子報，時刻掌握生活資訊！